同叫蘿蔔但原來唔同科│咪亂信紅白蘿蔔唔可以同煮| likemagazine.com.hk
Beauty & Health
同叫蘿蔔但原來唔同科│咪亂信紅白蘿蔔唔可以同煮

同叫蘿蔔但原來唔同科│咪亂信紅白蘿蔔唔可以同煮

喺呢段避疫嘅日子,好多人留在家時間多咗,百無聊賴於是「玩煮飯仔」。「新手廚神」入廚問題多多,坊間也有不少入廚智慧,其中關於蘿蔔嘅,唔知有無聽過?有人話「紅白蘿蔔唔可以同煮」,又有人話「蘿蔔唔可以同水果一齊食」,究竟係咪真?

 

紅蘿蔔煮熟食營食好吸收

同樣叫「蘿蔔」,常見有紅也有白。咪以為叫得「蘿蔔」,以為佢哋嚟自同一個家庭,原來不過樣似,同為地下根,但其實大不同,來自不同花科。含豐富胡蘿蔔素嘅紅蘿蔔,屬繖形花科;而清甜味道見稱嘅白蘿蔔,其實係十字花科。紅蘿蔔產期為秋季至春季;白蘿蔔在12月至4月產量最多最優質。白蘿蔔除咗常見嘅白皮白心外,原來仲有紅皮、紫皮,內裡有紅肉、紅心、紫心等品種。白蘿蔔含有維他命ABCD E 及蛋白質、醣類、磷、鐵等。至於紅蘿蔔,之所以呈紅橙色,因為富含胡蘿蔔素。胡蘿蔔素對於增強視力、安定神經以及改善夜盲症都有幫助,但由於屬脂溶性物質,生吃較難被吸收,因此建議將胡蘿蔔用油炒後食用,人體吸收更好。

 

紅白蘿蔔唔可以同煮?

簡單介紹兩種蘿蔔後,解答一下「新手廚神」嘅疑問。先講紅白蘿蔔係咪唔可以同煮。有一種說法話,紅白蘿蔔一齊煮,白蘿蔔嘅維他命C含量高,紅蘿蔔中含一種對抗壞血酸嘅分解酵素,會將白蘿蔔嘅維他命C破壞。目前為此,未有文獻證實呢種講法,不過就算紅蘿蔔真係有一種可以破壞維他命C嘅分解酵素,但理論上,酵素經加熱就會自身被「破壞」,所以傳言歸傳言,一於發揮你廚藝將兩種蘿蔔美味同治一爐。

 

蘿蔔水果同食誘甲狀腺腫瘤

另有一個有關蘿蔔嘅傳言係:蘿蔔與水果同食,會誘發甲狀腺腫瘤。有營養師表示,蘿蔔等十字花科蔬菜確含有甲狀腺素活性成分,但只要加熱就會消失,所以建議大眾唔好生食或生食過量。再有一個關於蘿蔔嘅傳言,就係「紅蘿蔔裡嘅胡蘿蔔素與酒精一同進入人體,會在肝臟產生毒素,從而引起肝病。」台灣有健康網站指出,飲酒太多,肝因為重點代謝酒精嘅工作,因而影響肝功能,而且減低其他營養吸收。胡蘿蔔素要經肝處理人體先可以吸收,所以飲酒過量時,肝已經好忙碌工作中,所以吸收胡蘿蔔素和其他營養嘅吸收。至於肝病,並唔係單單因為胡蘿蔔素而引起嘅。

 

你或會有興趣的相關文章:

40歲以後日曬後臉出斑│咪以為雀斑可能係老人斑

便秘要多攝膳食纖維?亂食或過量排便更難

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
日本人愛吃梅子消疲勞│梅子抗氧化助減重抗老日本人愛吃梅子消疲勞│梅子抗氧化助減重抗老 疫情下被迫在家工作│4招擊退腰痠背痛疫情下被迫在家工作│4招擊退腰痠背痛 遇火警用口鼻掩濕毛巾│警告:擋不住致命濃煙遇火警用口鼻掩濕毛巾│警告:擋不住致命濃煙 春濕細菌生屋企一陣味│燒艾熏屋天然消毒淨氣春濕細菌生屋企一陣味│燒艾熏屋天然消毒淨氣 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 多飲水食蔬果仍然便秘│專家建議3個另類方法多飲水食蔬果仍然便秘│專家建議3個另類方法 銀髮族要多吃蛋白質│加強肌肉力量健骨骼銀髮族要多吃蛋白質│加強肌肉力量健骨骼 中醫春季養生養陽護肝│日常衣食行3個重點中醫春季養生養陽護肝│日常衣食行3個重點