噴霧式清潔劑使用方便│吸入過量可致肺部纖維化| likemagazine.com.hk
健康及美妝
噴霧式清潔劑使用方便│吸入過量可致肺部纖維化

噴霧式清潔劑使用方便│吸入過量可致肺部纖維化

自有疫情後,大眾嘅衞生意識加強,好多媽媽為保障家人健康,買咗好多唔同清潔用品勤消毒,當中,唔少都係噴劑式。噴一噴,抹一抹,消毒清潔好輕鬆,但係原來潛藏健康危機。有家庭醫生指出,吸入霧化消毒用品有機會對呼吸系統和皮膚造成唔同程度嘅刺激,對健康構成影響。

 

內地婦吸消毒劑頭暈乏力

新冠肺炎疫情持續,家庭主婦為保家居清潔,勤力消毒。早前有報道指,河南鄭州有兩名主婦出現頭暈、全身乏力症狀,由於症狀同新冠肺炎相似,於是去求醫。佢哋一直無發燒、咳嗽和呼吸困難等病徵,但醫生發現兩人肺部呈類似「磨砂玻璃」狀嘅肺纖維化,不過經再三檢查及追問,始知二人為防疫,在家使用一款強效消毒劑清潔家居,但使用時無將消毒液稀釋,加上家中空氣唔流通,長期吸入化學物而引起過敏性肺炎。兩人經治療後無大礙。

 

小朋友接觸過多增鼻炎發病

家用清潔劑含有多種化學物質,雖然殺菌,但係室內空氣污染嘅來源,亦對人體有潛在傷害。中文大學賽馬會公共衞生及基層醫療學院曾發表研究探討使用家居清潔劑對本地小學生呼吸系統健康影響。研究發現,累計每周接觸化學清潔劑多於3.2小時嘅兒童,其鼻炎偶然發病、經常發病和持續發病的風險,分別增加29%97%67%

 

吸入過量可傷肺功能

清潔劑有不同嘅使用模式,噴霧劑一向得家庭主婦愛戴,因使用實在太方便。噴一噴,殺菌消毒好輕鬆,但係由於使用太方便,亦可能令人失去警戒心,不知不覺用多咗。吸入噴霧消毒或酒精噴霧,輕則對眼、鼻造成刺激,或出現急性症狀如咳嗽、流眼水等;如吸入劑量過高,刺激嚴重,或引致發炎反應,損害呼吸系統和肺功能。呢類噴霧清潔用品唔建議長期使用,如有必要使用,要注意保持空氣流通。

 

唔好隨便混合清潔劑使用

另外,醫生提醒,不同清潔劑含不同化學物,必要跟使用說明使用,唔好隨便混合使用,否則有機會造成化學反應,不但吸入有害人體,更可能造成爆炸。使用含酒精成分清潔劑,更要遠離火種,免得造成家居意外。如家中有小朋友,最好喺使用時請小朋友遠離一啲,減少吸入機會。

 

 

你或會有興趣的相關文章:

4月已有首宗本地登革熱│4個天然無害驅蚊法

出汗有體味難聞又尷尬│止汗劑體香劑幾時用先啱?

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章