雙眼失神人變老│3個令雙眼現老態原因| likemagazine.com.hk
Beauty & Health
雙眼失神人變老│3個令雙眼現老態原因

雙眼失神人變老│3個令雙眼現老態原因

雙眼係靈魂之窗,女生有一雙明眸,確可為相貌加分。為咗令雙眼更明亮動人,愛美女生出盡法寶,化妝、戴隱形眼鏡等,但呢啲舉動一個唔小心,容易對雙眼造成傷害。唔想靈魂之窗失去靈魂,甚至加快退化、老化,女生們要留意啊!

 

化妝品塞毛孔

點樣令雙眼睇落大啲、有神啲、明亮啲?好多女生會用化妝嚟突出眼部,方法包括用睫毛膏增長眼睫毛、搽眼影為雙眼加色加陰影、畫眼線加強眼部輪廓,此外,單眼皮女生會貼膠紙變雙眼皮,在特別場合有女生更在眼部加閃粉或其他裝飾用品。有眼科醫生指出,眼部化妝品用得太多,有機會令眼皮毛孔閉塞,引致眼瞼周邊及眼部紅腫。長時間使用嘅話,更有機會影響淚水分泌,導致眼乾。若化妝品或膠水等物不小心入眼,更可能致結膜炎或角膜受損。為免化妝品對傷害雙眼,當然唔用化妝品最好,若果有化妝必要,適量為佳,濃妝可免則免。眼部有化妝品,返到屋企休息前應該盡快卸妝,而且要徹底清潔,千祈唔好唔卸妝就瞓覺,雙眼好傷架!

 

長戴隱形眼鏡傷眼

好多香港人都係「四眼族」,年紀小小已經要戴眼鏡改善視力。女生貪靚,而且戴眼鏡麻煩又唔舒服,所以好多女生早早就將有框眼鏡換上隱形眼鏡。近年,隱形眼鏡嘅功能不止於矯正視力,更有美化功能,例如「大眼con」、有色con等,令人戴上後,雙眼更有神采。雖然近年隱形眼鏡鏡片推陳出新,但就算再透氣再水潤,對雙眼嚟講都係外物。長時間佩戴,雙眼好易缺氧,變乾澀。若果本身淚水分泌不足,眼乾情況會更嚴重,有可能導致眼角膜受細菌感染,使血管增生,嚴重者眼部就會長出一條疤痕,雖然不至於眼盲,卻會嚴重影響視力。佩戴隱形眼鏡時間愈短愈好,而且佩戴時要注意衞生,雙手要清潔。非即棄式隱形眼鏡要做好清潔。千祈唔好與他人交換隱形眼鏡 佩戴,以免受感染。仲有,記住唔好戴住隱形眼鏡瞓覺。

 

更年期分泌差易眼乾

除咗外在對雙眼嘅傷害,其實女性生理上都有對眼睛不利嘅因素。臨近更年期,荷爾蒙分泌出現變化,影響淚水分泌。當淚水不足,眼易乾,眼乾會令人雙眼易疲累,因而經常眼紅,嚴重眼乾更會令結膜及角膜磨損,為視力帶來風險。

 

護眼tips

年紀大,身體機能衰退,視力變差無法改變,但其他傷害眼睛嘅因素絕對可以避免。年輕開始護眼,可以延緩雙眼和視力退化。

1. 長時間使用電子產品後適當休息一下,紓緩眼睛疲勞

2. 切忌瞓喺床上睇電話

3. 唔好長時間戴住隱形眼鏡或戴隱形眼鏡瞓覺

4. 化眼妝後臨瞓前要徹底卸妝

5. 多飲水

6. 充足睡眠

7. 戶外活動戴太陽眼鏡保護雙眼

8. 定期驗眼

 

你或會有興趣的相關文章:

春季忽冷忽熱易染病│提升免疫力7個飲食要點

紫藍色花茶夢幻療癒│蝶豆花泡茶3類人慎飲

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策