4月已有首宗本地登革熱│4個天然無害驅蚊法| likemagazine.com.hk
Beauty & Health
4月已有首宗本地登革熱│4個天然無害驅蚊法

4月已有首宗本地登革熱│4個天然無害驅蚊法

正當大家全力抗炎之時,衞生防護中心早前公布今年首宗本地登革熱個案,患者住喺元朗。一般情況,登革熱喺夏天先出現,但依家只係4月,並非雨季,天氣未算熱,就已經有本地個案,令人擔心本地蚊媒有可能引起大型登革熱爆發。近來大家專心抗炎勤消毒之外,都要做好防蚊,預防蚊患。蚊出沒時惹人厭,唔想用化學劑,怕吸得多危害健康,天然驅蚊又有乜方法呢?

 

1. 窗前掛水果皮或香草包

蚊討厭薄荷、茴香、丁香、薰衣草、尤加利、香茅、案樹、天竺葵、羅勒、百里香、艾葉等氣味。大家可以將以上香草製成香包,掛喺窗前驅蚊。另外,蚊都唔鍾意橙嘅味道,食完橙後,將橙皮切幼絲,曬乾後放入網袋中,都有趕走蚊子嘅效用。

 

2. 種驅蚊植物

不少植物都有驅蚊作用,如薄荷、天竺葵、香茅、艾草等。在家種幾棵,既可綠化家居,又可趕走煩人嘅蚊。但要注意積水易滋生蚊蟲,種植物時要定時清理盆底積水。

 

3. 咖啡渣趕蚊

如果你家有咖啡機,好好利用沖咖啡後剩低嘅咖啡渣。原來蚊都唔鍾意咖啡渣嘅味道!咖啡渣先放喺陰涼處風乾,然後放入耐高溫嘅容器內,點燃咖啡渣,燒出嘅煙霧可熏蚊

 

4. 木夾浸花露水放風口

翻查舊新聞,一則有關位於黃大仙區嘅浸信會天虹小學曾以木夾浸花露水夾喺冷氣機風口來驅蚊。花露水因含驅蚊脂,對防蚊有一定作用,而且散發陣陣清淡花香,非常怡人。就算天氣未熱到要開冷氣,用同一招可以將木夾夾喺風扇,一樣發揮驅蚊和令室內飄香之效。但要留意花露水主要成分係乙醇,屬易燃物品,而且燃點非常低。如在屋內噴灑,要小心唔好喺火種附近噴。如果噴咗喺身,亦唔好立即去廚房煮飯,要等一陣酒精散咗先好。

 

 

你或會有興趣的相關文章:

香港床蝨為患普及│行李帶回家記得要清潔

午飯後勁放「蚊」?│小睡半小時提神上電

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛