銀髮族每日行10分鐘│保持行動機能增記憶力| likemagazine.com.hk
Beauty & Health
銀髮族每日行10分鐘│保持行動機能增記憶力

銀髮族每日行10分鐘│保持行動機能增記憶力

好多銀髮族經常坐喺屋企唔願郁,原因之一係佢哋多數腳部有關節炎,走動唔舒服,會疼痛。但原來愈痛愈坐病更差,有研究指,銀髮族每行10分鐘,便可保持日常生活「行動機能」,大大減低關節痛郁唔到嘅風險。

 

長期活動不足連著衫都困難

長者罹患膝蓋關節炎好普遍。美國有大學研究團隊花4年追縱1500多名49歲至83歲患有關節炎嘅案例,發現每周進行溫和或劇烈活動至少56分鐘,相比運動量較少嘅人,可將關節痛到郁唔到嘅風險降低86%。研究又指,每周活動不夠56分鐘嘅受訪者中,兩成多連過馬路都無辦法喺紅綠燈轉燈前走到對面街;另有兩成多連著衫都有困難。

 

每日10分鐘活動增記憶力

每周活動56分鐘,驟眼睇好似好多,但除開每日計,每日不過8分鐘,其實唔難做到。所謂活動,唔一定係做劇烈運動,快步行走都可以。外國專家表示,每星期快步行1小時,長期下來,對身體有莫大好處。快步行以外,每日做10分鐘太極拳等溫和運動都可以,美國和日本共同研究指出,每日10分鐘活動,唔止能改善關節炎所致嘅行動不便,更可刺激腦部活動,增強記憶力。另有在醫學期刊發表嘅研究指,55歲以上唔好動嘅長者,只要每日行35分鐘,6個月內認知能力差嘅情況可改善。

 

 

你或會有興趣的相關文章:

銀髮族常無胃口食得差│6個備餐心思提升食慾

食得是福但過量招禍│銀髮過胖控重3個重點

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
晨早起床做瑜伽│新一天由陽光好心情開始晨早起床做瑜伽│新一天由陽光好心情開始 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 向日本OL偷師!纖體美肌首選小球藻向日本OL偷師!纖體美肌首選小球藻 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素