咬手指/玩頭髮/轉筆/䟴腳│小動作多刺激大腦降死亡風險| likemagazine.com.hk
Beauty & Health
咬手指/玩頭髮/轉筆/䟴腳│小動作多刺激大腦降死亡風險

咬手指/玩頭髮/轉筆/䟴腳│小動作多刺激大腦降死亡風險

你身邊有人坐唔定,手腳總係無事做搵嘢做,咬手指、玩頭髮、「UN」腳、轉筆等,動作多多,唔可以安靜落嚟?對喺佢身邊嘅人嚟講,佢無時停可能帶來騷擾,但呢啲人小動作多多,原來可能為身心帶嚟益處。

 

小動作令大腦動起來

美國神經科學家指出,有人小動作多,可能與大腦做決策相關。當大腦要從事一啲認知行為,就需要通過身體活動嚟啟動大腦神經發揮作用。簡單咁講,雖然一向以嚟都有人話思考係要靜落嚟做嘅事,但對小動作多嘅人嚟講,呢個思考模式唔適用,反而周身郁先可以令佢哋大腦運作起嚟。有研究專注力失調及過度活躍症(ADHD)嘅臨床心理學家指出,小動作係可以刺激大腦,係幫助集中精神嘅一種自然方法。患有ADHD嘅人有呢個情況特別明顯,其實一般人都係咁,只係多數人唔察覺。

 

身郁可調節體重

小動作多仲有一個好處,就係消耗身體嘅能量。英國營養流行病學教授曾做過一項長達12年嘅研究,發現唔鍾意郁動、無乜小動作嘅人死亡風險較高。原因係經常周身郁消耗更多卡路里,可以幫助調節體重。另外,小動作有助減壓。即使小動作不過係一啲睇落唔起眼嘅動作,例如將一雙腳放喺另一隻腳前面幾分鐘,都可改善心情。正如有接觸失智症病人經驗嘅心理健康護士表示,失智症病人會重做一啲動作,雖然一般人睇嚟摸不著頭腦,但實際上呢啲動作對病者能起自我安慰效果。

 

勉強壓制不如順其自然

好多人一直被灌輸一種想法,就係小動作唔好,最好唔好做。但與其勉強去壓制,倒不如順其自,因為小動作確實能令人放鬆、鎮靜和精神集中。不過,如果小動作騷擾到其他人就最好節制一下,作為一個有關顧他人嘅人,自我放鬆時都應該考慮其他人嘅感受。

 

你或會有興趣的相關文章:

人愈大記性變差?│食菇健腦預防輕微認知障礙

上班族壓力大心情差│必食呢5種營養素助紓壓

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
向日本OL偷師!纖體美肌首選小球藻向日本OL偷師!纖體美肌首選小球藻 執笠倉尋寶好物推介│貓爪按摩棒消酸痛減腳腫執笠倉尋寶好物推介│貓爪按摩棒消酸痛減腳腫