40歲以後日曬後臉出斑│咪以為雀斑可能係老人斑| likemagazine.com.hk
Beauty & Health
40歲以後日曬後臉出斑│咪以為雀斑可能係老人斑

40歲以後日曬後臉出斑│咪以為雀斑可能係老人斑

踏入40歲以後,愛美嘅女生應該留意到,臉上或身體上開始出現大大小小嘅棕色斑點,而且愈嚟愈明顯,如有化妝習慣者,更發現連粉底都未必可以遮得住。年紀大咗,就會出「老人斑」。要預防老人斑,重點之一係防曬;另外,日常飲食中多攝取某啲食物,都有助預防長出老人斑。

 

良性表皮膚腫瘤

老人斑係一種脂褐質色素斑塊,正式學名係脂溢性角化病,其實係一種常見於中老年人嘅良性表皮膚腫瘤,一般出現喺臉部、額頭、背部、頸部、胸前及上肢等部位,對健康無太大影響。隨著年紀增長,皮膚功能逐漸衰退,自由基排除能力下降,加上內分泌失調、血液循環不佳等,當皮膚受太陽曬後,便出現老人斑。一般而言,50歲以後出現老人斑好正常,但也經常提前喺中年人身上出現。

 

日曬後難消失

老人斑成因係日曬,而雀斑亦主要因日曬,同為生喺皮膚上嘅啡色斑塊,好多人會將兩者混淆。雀班主要喺年輕時出現,通常散佈於兩邊面頰部位,甚至肩頸部位、手背等。日曬後通常雀斑會增多及顏色加深,過一段時間後顏色會慢慢減淡。但老斑一但出現就好難消失,而且通常係略略突起,甚至因表皮過度增生形成凸面隆起色塊。

 

防斑重點避免日曬

要預防老人斑,重點係防曬,要避免長時間喺陽光下直接曝曬。上午10時至下午2時係太陽紫外線最猛烈嘅時段,呢段時間外出或進行戶外活動,一定要做足防曬措施。飲食方面,長期飲食缺少維他命E、硒等營養素,容易造成脂褐質嘅形成。多食蔬果如:番茄、紅蘿蔔、奇異果等,呢啲蔬果含抗氧化維他命,可以抵抗自由基嘅侵害。另外,多食全穀類、堅果類食物等,有助扺抗細胞老化。唔好飲酒,因為經有動物實驗指出,以酒精餵食動物,其體內脂褐質色素嘅含量是無喝酒動物嘅2倍。飲綠茶則對預防老人斑有一點幫助,因為綠茶含兒茶素,係超強抗氧化劑,能增強皮膚免疫能力,減少日曬嘅傷害。

 

你或會有興趣的相關文章:

脾開竅於口其華在唇│跟中醫觀唇色了解健康

人到中年膽固醇高│早上食番茄助心血管健康

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅