係時候減走肥肉│朝早食水煮蛋輕鬆瘦身| likemagazine.com.hk
Beauty & Health
係時候減走肥肉│朝早食水煮蛋輕鬆瘦身

係時候減走肥肉│朝早食水煮蛋輕鬆瘦身

天氣漸暖,著衫少咗,唔想冬天儲落嘅「肥肉」見人失禮,係時候動起來減走佢。減肥呢個話題永遠講唔完,但當要為減肥要做呢樣做嘢樣,好多人無恒心又嫌三嫌四。日本營養師分享一個瘦身簡易又有營養嘅方法,只要朝早食隻水煮蛋就得。

 

雞蛋營養豐富低熱量

水煮蛋瘦身法曾經在日本成為熱話,據講日本知名運動員曾靠食水煮蛋在8日裡減重8公斤。水煮蛋瘦身法大受歡迎,原因之一係瘦身見效而且不乏營養。日本營養師指,雞蛋係完全營養,除有蛋白質外,還有礦物質、維他命等。雞蛋含有嘅胺基酸,對燃燒脂肪不可或缺。而且,雞蛋係低升糖食物,每日可以增加代謝高達80100卡熱量,又有飽肚感,可以話係瘦身者嘅理想飲良選擇。

 

只限早餐食水煮蛋

原來版本嘅「水煮法瘦身法」要求一日三餐都食水煮蛋,但呢個「地獄式方法」對好多人嚟講未免太過激,而且有礙健康。所以另有建議,只限早餐食水煮蛋,既攝取足夠營養,又可減早上攝取嘅熱量。一隻水煮蛋嘅熱量約為6080千卡,視乎雞蛋嘅大小。早餐食蛋外,配合其他食物如雞肉、蔬果等,以攝取衡均營養。午餐和晚餐按正常咁食,當然前題係健康咁食,唔要暴飲暴食,亦盡量少糖少鹽少油。

 

蛋白質需時消化

早餐食水煮蛋嘅好處係,蛋白質要時間消化,約為34小時,比碳水化合物長23小時。到蛋白質被消化得七七八八,剛好到午飯時間,兩餐之間唔會有過長嘅肌餓感覺,咁可以減少食零食增熱量嘅機會。另有研究指,若早餐食咗水煮蛋,肥胖女性喺接落嚟嘅36小時裡攝取更少熱量。

 

幾類人不適宜採用

相比其他激進控制飲食嘅瘦身方法,改良版嘅水煮蛋瘦身法算溫和而且有營養,不過呢個方法都未必人人適用,例如本身患有膽固醇問題、糖尿病或心血管疾病,一周食蛋有限量,唔建議試。溫馨提示,任何瘦身方法都有利害,如有任何營養或健康上嘅疑問,應向醫生或營養專家諮詢意見。多提一點,瘦身不能單靠飲食,必要配合適量和適合運動,先可得到持久和明顯嘅成效。

 

你或會有興趣的相關文章:

唔使刻意做運動都減到肥?│刷牙挺胸都可瘦身

跑步流汗又辛苦│間歇式健走好易做│每周4次防三高

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
遇上灰甲點算好?激光治療深入解決問題!遇上灰甲點算好?激光治療深入解決問題! 起居生活清潔消毒│抗菌和殺菌有分別!起居生活清潔消毒│抗菌和殺菌有分別! 銀髮族常無胃口食得差│6個備餐心思提升食慾銀髮族常無胃口食得差│6個備餐心思提升食慾 有種責任叫堅持,消毒也要堅持!用正確方法打造空氣潔淨空間有種責任叫堅持,消毒也要堅持!用正確方法打造空氣潔淨空間 港人研發紫外線消毒盒子│4分鐘殺滅隨身小物上細菌港人研發紫外線消毒盒子│4分鐘殺滅隨身小物上細菌 【 Sun Wakasa Gold Plus®真.美肌】助天然Collagen激増,保持年輕肌膚!【 Sun Wakasa Gold Plus®真.美肌】助天然Collagen激増,保持年輕肌膚! 都市人常難安穩入睡│中醫教赤腳行接地氣改善失眠都市人常難安穩入睡│中醫教赤腳行接地氣改善失眠 疫情回落防疫勿鬆懈│提防11個傳疫不良習慣疫情回落防疫勿鬆懈│提防11個傳疫不良習慣