一日3餐快餐熱量不超標│3個最低熱量套餐選擇| likemagazine.com.hk
Beauty & Health
一日3餐快餐熱量不超標│3個最低熱量套餐選擇

一日3餐快餐熱量不超標│3個最低熱量套餐選擇

成日話食快餐唔健康,但快餐食物香口美味,好多人忍唔到口唔食。如果去快餐店要正常點餐,仲要食足三餐,點先可以控制熱量攝取,兼且唔超標呢?M 字頭快餐店最近推出「漢堡研究所」電子書,裡面除咗有唔少關於佢哋餐廳嘅趣味冷知識,仲提供咗3個最低熱量套餐,啱晒想食快餐又唔想肥嘅人作為參考

 

肥胖因攝入熱量多過消耗

肥胖成因係熱量吸數大於付出。熱量主要透過食物及飲品得到。如果經常食用高脂和高糖分食物,而且進食蔬果、全穀類食物及豆類等高纖食物不足,容易攝取過多熱量,令體重增加。咁每日需要攝取幾多熱量呢?其實因人而異,與年齡、性別、工作性質及活動量有關。概括而言,每日成人男性攝取熱量約22503000千卡,女性則為18002400千卡。但由於多數人長時間在office工作,每日步行活動量少,能夠消耗嘅熱量低,外國專家指,成人每日攝取熱量,實際上可能要減少一啲,建議女性唔超過1500千卡,男性不應超過2000千卡。

 

三餐快餐解決唔超標

如以專家建議嘅攝取熱量計算,成人每餐理想唔多過600千卡。去M字頭快餐店點餐,三餐點樣點餐,可以控制攝取熱量喺呢個限額之內呢?麥當勞最近推出「漢堡研究所」電子書,內裡列出3款低熱量套餐。

 

早餐:麥芝蛋飽+濃香咖啡

熱量:305千卡

 

午餐:烤雞凱撒沙律+粒粒粟米+熱檸檬茶

熱量:341千卡

 

晚餐:板燒雞腿飽+蘋果批+凍檸檬茶

熱量:596千卡

 

仲有餘額食零食

如按上列點餐建議,一日食足3餐快餐,攝取熱量不過1,242千卡。女性仍有每日有258千卡餘額食零食,例如14條裝嘅黑朱古力餅(212千卡)1條魚肉腸(39千卡)。至於男性,約有758千卡餘額,在每餐之間食小食頂肚餓,例如6塊全麥消化餅(每塊約70千卡,共420千卡)155克燒烤味薯片(302千卡)。以上餐膳組合只供參考,如有營養方面嘅疑問,最好諮詢專業人士。

 

 

你或會有興趣的相關文章:

宅在家自煮隨時攝鈉超標│4種易中伏鈉偏高食物

氣炸鍋用少啲油真健康?│高溫烹調一樣釋致癌物

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 有種責任叫堅持,消毒也要堅持!用正確方法打造空氣潔淨空間有種責任叫堅持,消毒也要堅持!用正確方法打造空氣潔淨空間 日本人愛吃梅子消疲勞│梅子抗氧化助減重抗老日本人愛吃梅子消疲勞│梅子抗氧化助減重抗老 銀髮族要多吃蛋白質│加強肌肉力量健骨骼銀髮族要多吃蛋白質│加強肌肉力量健骨骼 小便有泡擔心腎有事?│要分清泡沫尿和蛋白尿小便有泡擔心腎有事?│要分清泡沫尿和蛋白尿 台檢出花草茶產品農藥超標│泡茶點至安心?台檢出花草茶產品農藥超標│泡茶點至安心? 上班族壓力大心情差│必食呢5種營養素助紓壓上班族壓力大心情差│必食呢5種營養素助紓壓 起居生活清潔消毒│抗菌和殺菌有分別!起居生活清潔消毒│抗菌和殺菌有分別!