春濕細菌生屋企一陣味│燒艾熏屋天然消毒淨氣| likemagazine.com.hk
Beauty & Health
春濕細菌生屋企一陣味│燒艾熏屋天然消毒淨氣

春濕細菌生屋企一陣味│燒艾熏屋天然消毒淨氣

早前天氣不佳,持續落雨濕度高,由於門窗不能盡開,有礙室內空氣流通;而且近來為避疫情,大家多咗留喺屋內活動,加埋一屋「人氣」,有無發覺間屋焗得太多,有陣霉味瘴氣,不夠清新?如果唔想使用坊間化學消臭劑,追求天然方法,除咗點燃香薰外,其實仲可以一試古人消毒殺菌嘅方法─燒艾。

 

古有記載燃艾消毒防瘟

艾草係多年草本植物,屬菊科的植物,春天生苗,高約二、三尺,葉形如菊葉,表面深綠色,背面密生灰白色絨毛,葉與莖具有油腺,發出特有香氣。夏秋開淡褐色小花。艾草隨處可見,亦非常易取得。艾草曬乾後製成「艾絨」或「艾條」等,燒艾時散發嘅獨特芳香氣味能把室內嘅霉味瘴氣驅走。古書早有記載,燒艾可達消毒防瘟之效。現代科學都有研究,確定艾草對空氣消毒起到一定作用。「艾香」的強烈氣味主要來自當中含有的桉樹腦、艾草油、側柏酮、三萜類化合物等抑制細菌的成分,對環境中存留嘅多種細菌、真菌、病毒有抑制或殺滅作用。另外,天氣漸熱,蚊蟲滋生。燒艾亦有驅趕蚊蟲之效。

 

熏屋時注意火種

燒艾熏屋前,建議先將門窗關上,燃燒艾條會令室內滿佈艾煙,熏屋約1015分鐘便可。有人或者覺得艾香氣味較刺鼻,甚至患有鼻敏感、哮喘、氣管敏感嘅人聞到呢陣中藥味或會覺不適,建議呢類人熏屋前先離開,熏屋後打開門窗,讓氣味消散先返入屋。即使燒艾有僻瘴氣消毒之效,但一般人都應避免吸入過量,否則易引起氣管不適。此外,溫馨提示大家在家中燃艾熏屋,必須注意火種,遠離易燃物品。

 

艾草皂淨膚

疫情爆發後,令大眾更關注身體健康。按中醫,艾草味屬「辛、苦」,性帶溫,能疏通氣血。有中醫建議用小量艾草煲水浸浴,可增加陽氣,幫助身體抵抗疾病。近年手工皂愈趨流行,把艾草製皂,有淨膚、殺菌、消炎作用。

 

 

你或會有興趣的相關文章:

新居甲醛濃度高│擺植物光觸媒可減毒?

公廁多菌女生易染病│如廁前一個動作免招病

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

 

相關文章
同叫蘿蔔但原來唔同科│咪亂信紅白蘿蔔唔可以同煮同叫蘿蔔但原來唔同科│咪亂信紅白蘿蔔唔可以同煮 新居甲醛濃度高│擺植物光觸媒真可減毒?新居甲醛濃度高│擺植物光觸媒真可減毒? 40歲以後日曬後臉出斑│咪以為雀斑可能係老人斑40歲以後日曬後臉出斑│咪以為雀斑可能係老人斑 睡姿和健康個性息息相關│即check睡姿了解身心狀態睡姿和健康個性息息相關│即check睡姿了解身心狀態 銀髮族每日行10分鐘│保持行動機能增記憶力銀髮族每日行10分鐘│保持行動機能增記憶力 Jayanti正價產品一律7折!意大利有機天然護膚品Jayanti正價產品一律7折!意大利有機天然護膚品 本地「有機」蔬菜驗出農藥殘餘│點樣洗菜先乾淨?本地「有機」蔬菜驗出農藥殘餘│點樣洗菜先乾淨? 多飲水食蔬果仍然便秘│專家建議3個另類方法多飲水食蔬果仍然便秘│專家建議3個另類方法