都市人常難安穩入睡│中醫教赤腳行接地氣改善失眠| likemagazine.com.hk
Beauty & Health
都市人常難安穩入睡│中醫教赤腳行接地氣改善失眠

都市人常難安穩入睡│中醫教赤腳行接地氣改善失眠

難得有時間瞓覺,但梗係瞓唔好,甚至瞓極瞓唔著?數綿羊催眠只係劇情需要,實際效果成疑;飲牛奶、做輕運動、買啲貴價聲稱舒服到一瞓就瞓著嘅寢具,都無法幫你解決入眠問題,有中醫師建議學農夫赤腳行路接地氣,有助穩定自律神經,幫助入睡和提升睡眠質素。

 

陰陽失衡致失眠

失眠係都市人常見問題,失眠原因多,有人因工作壓力大,有人因時差,有人因飲食習慣,有人因生理問題;有人被環境因素影響等。中醫表示,當人體內陰陽不平衡容易造成自律神經失調,導致失眠和各種疾病。由於天為陽,地為陰,如果我哋經常赤腳喺地上行,可以「接地氣」,促使大地之氣經由腳底嘅「湧泉穴」進入人體,達到養陰效果,幫助穩定自律神經系統,改善睡眠。若有興趣試試赤腳行路改善失眠,以下要點要注意!

 

1. 晨早效果最好

朝早7時至9時赤腳行路,有助調節脾胃功能和穩定自律神經,有助安神,夜晚快入眠。晚上唔建議赤腳行路,因為晚間氣溫較低,尤其在秋冬天,赤腳行易造成陰寒之氣侵體,不利健康。晚上想助眠,建議用溫水泡腳,促進血液循環,放鬆神經。如遇下雨天或天氣寒冷,唔好赤腳行路,否則濕冷之氣從腳底入侵體內,引發不適。

 

2. 行草地

中醫所講嘅「接地氣」,當中嘅「地」係指黃土地,因此赤腳行時宜選鬆軟和平整嘅草地。若果行動不便,或者行到累,可以直接坐喺草地上都可以。唔想行草地,但想得到「接地氣」效果,去草地擺張凳,坐上去時雙腳貼地都得。有人會問,喺屋企赤腳行得唔得?由於高樓大廈離地萬象,屋企地下無法接到「地氣」,所以家中赤腳行「接地氣」不可行,無助入眠。

 

3. 控制力道

赤腳行宜快走,為時約3060分鐘,每星期約12次。行路時要練習一下控制腳趾抓地和踩踏力度,以免運動量過大而導腳底痛。赤腳行路,無鞋保護雙腳,所以行之前要注意地上有石仔、玻璃、釘子等,以免腳底受傷。

 

4. 體虛者不宜

赤腳行「接地氣」唔係人人啱,由於地氣本屬陰偏寒,所以體虛和陽虛怕冷嘅人唔好咁做,以免加重身體不適。

 

你或會有興趣的相關文章:

夜晚吹住風扇瞓快入眠│小心風邪入侵傷身

出盡法寶都係瞓唔著│善用每日3個5分鐘│踢走失眠

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
春季忽冷忽熱易染病│提升免疫力7個飲食要點春季忽冷忽熱易染病│提升免疫力7個飲食要點 搽上面的抹茶│用於皮膚的Super Food搽上面的抹茶│用於皮膚的Super Food 常戴口罩肌膚出事了?│修護護膚敷噴搽3部曲常戴口罩肌膚出事了?│修護護膚敷噴搽3部曲 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 Jayanti正價產品一律7折!意大利有機天然護膚品Jayanti正價產品一律7折!意大利有機天然護膚品 雙眼失神人變老│3個令雙眼現老態原因雙眼失神人變老│3個令雙眼現老態原因 春濕細菌生屋企一陣味│燒艾熏屋天然消毒淨氣春濕細菌生屋企一陣味│燒艾熏屋天然消毒淨氣 打開心輪 找到自然而來的快樂 | 強化心肺系統 改善寒背打開心輪 找到自然而來的快樂 | 強化心肺系統 改善寒背