多飲水食蔬果仍然便秘│專家建議3個另類方法| likemagazine.com.hk
Beauty & Health
多飲水食蔬果仍然便秘│專家建議3個另類方法

多飲水食蔬果仍然便秘│專家建議3個另類方法

好多上班族都有便秘問題,肚谷到脹一脹,感覺不舒服。若果你試過好多方法都未能改善便秘,又唔想去到食藥呢一步,美國有健康專家建議3個另煩方法。當然,若便秘問題持續或變得嚴重,記住唔好諱疾忌醫,盡快求醫。

 

便秘一周少過3次排便

人人排便習慣都唔同,每日超過一次或隔兩日先一次都算正常。但如果每周排便少過3次、大便太硬或太小,排便時須費勁或有困難,就係便秘。便秘成因眾多,除咗飲水不足、攝取纖維不夠外,仲可能受藥物及心理壓力等影響。一般人解決便秘嘅方法包括多飲多啲水、多含纖維嘅蔬果、食用益生菌和做運動等。如果以上嘅方去仍未能幫你解決便秘難題,美國有健康專家提出咗3個另類方法:

 

1. 熱咖啡暢便

如果有得選擇冷飲和熱飲,好多人第一選擇都會揀凍嘅,但相信大家素聞凍飲不利腸胃嘅說法吧!事實上,熱飲可刺激消化系統,促進腸道蠕動,使大腸肌肉將糞便推向直腸。任何熱嘅飲品都有呢個作用,但講到最有效,專家首選熱咖啡。外國有研究指出,相比熱水,熱咖啡引發腸蠕動效果高60%;另外,咖啡含咖啡因嘅比無咖啡因嘅刺激腸蠕動強23%。約1/3人飲熱咖啡後20分鐘內就有便意。如果早餐搭配富含纖維嘅食物,飲杯熱咖啡,通便效果更佳。

 

2. 凳仔墊高腳

坐馬桶去廁所,原來呢個姿勢不利通便。原因係坐嘅時候,幫助控便嘅恥骨直腸肌只是局部放鬆。專家話,踎喺度去廁所嘅姿勢,先可以令呢塊肌肉全面放鬆,縮短直腸,有利通便。馬桶家家戶戶都有,無可能為通便放棄,點算好呢?方法好簡單,買張凳仔就可以解決。上廁所時,將凳仔放喺腳底,墊高雙腳,膝頭高於髋部,對順暢排便有幫助。記住,就算姿勢令你感覺良好,都唔好坐馬桶太耐,去廁所要一心一意,切忌睇手機、睇書或打機等。因為坐馬桶愈耐,腸肌肉收縮愈少,你一用力,就容易谷到生痔瘡。

 

3. 早啲起床

每朝早你都瞓到最後一刻先起床嗎?如果要改善便秘問題,就要改一改起床習慣,每日早少少起身,預留時間去廁所。專家話,其實朝早係排便嘅最好時間,因為大腸會「驚醒」,馬上開始收縮,傳達便意,令人較易排便。若果你朝早忙住梳洗出門口,便意就會消失,糞便滯留腸道內,令你腹脹不適。長期忍便,便秘會變得嚴重。

 

 

你或會有興趣的相關文章:

無油飲食=健康?│長期斷油皮膚乾便秘勁脫髮

便秘要多攝膳食纖維?│亂食或過量排便更難

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
被日本人認定,抗頑疾更勝靈芝!姬松茸<岩出101株>被日本人認定,抗頑疾更勝靈芝!姬松茸<岩出101株> 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素