健康飲食少糖少鹽│提防4款調味醬隱藏高糖高鈉| likemagazine.com.hk
Beauty & Health
健康飲食少糖少鹽│提防4款調味醬隱藏高糖高鈉

健康飲食少糖少鹽│提防4款調味醬隱藏高糖高鈉

鈉愈來愈多人追求飲食健康,除咗遵守少糖守則外,亦開始意識到要跟鹽保持距離。飲食少糖少鹽,有人覺得食物變得淡而無味,因而添加調味汁醬,增加風味。不過,原來調味汁醬係高糖高鹽嘅隱形地雷。雖然加一啲伴食好味啲,但同時為健康製造危機多一啲。

 

加調味增美味損健康

飲食少糖少鹽,點至叫「少」?世衞係有建議嘅。攝鹽量方面,成人每日不多於2,000毫克嘅鈉,若分開3餐計,平均每餐唔應該多於667毫克鈉,即約1/3平茶匙鹽。至於攝糖量,以成人每日攝入2,000千卡能量計算,應攝取低於50克嘅游離糖,分量約10平茶匙糖。食慣濃味食物,當轉為健康減少攝入糖和鹽,味蕾難免不適應,有人因而進食時添加調味汁醬,填補味道上嘅滿足感,但原來調味汁醬屬高糖高鹽,若為美味而落多咗,就會悄悄為健康惹禍。

 

1. 番茄醬

香港人對茄味情有獨鍾,凡加入番茄醬嘅食物嘅點擊率都非常高。番茄本身味道偏酸,為使味道更可口,一般市面買到嘅番茄醬都加入大量嘅糖,中和味道。一茶匙番茄醬,內含約一茶匙嘅砂糖。不知不覺中,就容易食下過量嘅糖。番茄醬多糖以外,鈉含量更驚人。一小包10克嘅番茄醬,約有120毫克嘅鈉。若果沒有節制,一餐享用多幾包番茄醬,糖和鈉攝取量都會超標。

 

2. 蠔油

中式醬料中,蠔油有提鮮增味作用,在餸菜中加入調味,味道層次更豐富。當食物太清淡時,唔少人都習慣加蠔油伴食,例如灼菜、湯渣、湯粉麵等。不過,蠔油含鈉量非常高,消委會早幾年曾做檢視,發現市面一款蠔油每100克含5100毫克鈉,即係食2茶匙已接近每餐嘅上限。蠔油味道鹹鮮,但其實製造時都加入大量糖調味。蠔油含糖量不可睇少。部分產品每100克含1726.4克糖。

 

3. 辣椒汁/

為追求味覺刺激,有人喜歡加辣調味。咪以為辣椒汁/醬,辣味行先,辣先係重點,其實辣味背後潛藏鹽味,因為咁先令人覺得味道更有餘韻。市面一款廣受歡迎嘅辣椒汁,每100克含5571毫克鈉,即係食用2.5平茶匙就超出每餐建議嘅攝取鈉限量。辣椒醬製作時會加入糖,一款市面有售嘅辣椒醬,每100克含50克糖。當你覺得加多兩滴辣椒汁,食得更過癮時,其實不知不覺間攝入更多嘅鈉和榶。

 

4. XO

XO醬係地道港式醬料,話說約於80年代首先出現喺香港高級酒家。廚師以馬拉盞為基礎,再加入蝦子、瑤柱,創造出集合又辣又鹹且鮮味嘅醬料。XO醬集合多種味道大成,含鈉量都不容忽視。以含鈉量最高嘅一款XO醬為例,每100克便含1640毫克鈉。

 

你或會有興趣的相關文章:

鹽水漱口消喉嚨痛│發揮效果重點在漱喉

發酵食物整腸升免疫力│高鹽醃製多食無益

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 向日本OL偷師!纖體美肌首選小球藻向日本OL偷師!纖體美肌首選小球藻 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 晨早起床做瑜伽│新一天由陽光好心情開始晨早起床做瑜伽│新一天由陽光好心情開始 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來