台檢出花草茶產品農藥超標│泡茶點至安心?| likemagazine.com.hk
Beauty & Health
台檢出花草茶產品農藥超標│泡茶點至安心?

台檢出花草茶產品農藥超標│泡茶點至安心?

近年,有人為追求飲食健康,愛上泡茶。茶低熱量又零脂肪,又有話茶含兒茶素、多酚等,既提神又對身體好,不過,若選購嘅茶葉含過量農藥或重金屬鉛,多飲茶可能變食毒藥落肚,影響健康。

 

農藥超標準

最近台北市政府衞生局抽驗茶葉及花草茶檢驗殘留農藥,發現部分產品包括:粉玫瑰花、乾燥蝶豆花及鐵觀音不符規定。茶葉及花草茶含有農藥,可能因茶農於種植茶葉時,為防止茶樹受到真菌、蟲類或蟎類嘅侵害,而喺茶樹施放農藥。今次被檢驗出含農藥嘅產品,含有嘅農藥其實獲台灣當地許可使用,但含量超標。

 

經泥土吸收鉛

過去,曾有茶葉被驗出含重金屬鉛嘅新聞。茶葉含重屬鉛,可能係經泥土吸收。當人從飲食中攝取鉛,短時間攝入大量鉛會導致消化系統不適、貧血等,嚴重甚至死亡;長時間攝入低劑量嘅鉛,則會傷害肝臟;兒童長期攝取小量鉛則可能影響認知和智力發展遲緩。

 

向信譽良好商舖買茶

不過,經常飲用茶嘅人唔使太擔心,因為一般沖泡飲用茶受重金屬和農藥污染嘅程度輕微。正常情況下,好難攝取到過量嘅農藥和重金鉛。飲茶要兼得健康又放心,最安心做法係向信譽良好嘅店舖購入茶葉及花草茶,購買時要留意產品嘅保存限期及包裝情況。茶葉或花草茶買咗返屋企後未必立即沖嚟飲,可能會擺埋一邊,但茶葉受環境、天氣和儲存方式影響,或會受潮或發霉,變咗質。因此,沖泡前,最好先檢查一下,確保茶葉狀況良好先好沖泡。仲有,茶葉喺加工製作過程中可能會沾染灰塵及污染物,可先用熱水沖洗。

 

 

你或會有興趣的相關文章:

紅茶養生又助控體重│日飲2杯紅茶減出纖腰

考試成績好與飲食有關?│考試前5個飲食建議

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 向日本OL偷師!纖體美肌首選小球藻向日本OL偷師!纖體美肌首選小球藻 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 晨早起床做瑜伽│新一天由陽光好心情開始晨早起床做瑜伽│新一天由陽光好心情開始