身體出現呢4個症狀│警告你食得太鹹| likemagazine.com.hk
Beauty & Health
身體出現呢4個症狀│警告你食得太鹹

身體出現呢4個症狀│警告你食得太鹹

食嘢偏好「重口味」,雖然善待味蕾獲得滿足,但長期食得太鹹,卻為身體帶嚟負擔,長遠犧牲健康。味道呢家嘢係個人感受,我覺得鹹,你或者覺得鹹度剛好。若果你發現自己有4個症狀,就係身體警告你食鹽過量,要注意一下。

 

食得鹹可致糖尿病

雖然話味道係個人感受,但係咪食得過鹹,都有標準可以參考。根據世衞建議,成人每日嘅鈉攝取量應少於2 000毫克,即5克鹽,具體啲講,即略少於一平茶匙。食鹽太多,會導致高血壓,從而增加中風、冠心病、心臟衰竭和腎病等風險。另外,有研究顯示,一個人每日食鹽攝入量比正常多出2.5克,患上第2型糖尿病嘅風險增加逾4成。或者你會奇怪,食鹽竟然和糖尿病拉上關係。原來當食鹽過多,會抑制胰島素分泌,間接導致胰島素起唔到作用,因而令血糖升高。食得過鹹,亦好傷胃。有指若一個人每日食鹽超過10克,會對胃黏膜造成傷害,導致胃部發炎。更有研究發現,鍾意食重鹹味嘅人,患上胃癌嘅風險係一般人2倍以上。

 

4個食鹽太多身體症狀

日常飲食裡,我哋無可能拎計算得太清楚,有無食咗過量標準重量嘅鹽;而且口味習慣咗,未必察覺自己食得鹹。但當身體出現以下症狀,就要注意一下囉!

1. 著鞋變得緊

當飲食過鹹,身體會出現局部浮腫。若你發現著咗好耐嘅鞋突然變緊,又或者明明無增磅,但戴開嘅戒子塞唔入,又或者明明身材唔算肥,但照鏡見到塊面腫腫地,就要檢示一下飲食習慣。

2. 成日去廁所

每個人一日去廁所7次以內都算正常,如果次數超過呢個次數,除咗可能飲水過多,亦有可能食鹽過多。因為當攝鈉過量時,腎臟負擔加重,排尿次數就變多。

3. 嘴唇乾想飲水

當飲食鈉過高,身體就會開始感覺到鹽分和水分之間失衡,為咗回復正常狀態,大腦會發出口渴訊號,喉嚨和嘴唇變乾,等你知道身體缺水。

4. 頭痛思考力降

根據臨床實驗顯示,成人每天攝取食鹽3500mg,比只攝取1500mg嘅人出現頭痛嘅機率會高出1/3。另外,食得太鹹令身體易處於脫水狀態,因而影響思考力,並會令人有頭重重感覺。

 

 

你或會有興趣的相關文章:

宅在家自煮隨時攝鈉超標│4種易中伏鈉偏高食物

味精食得多會口渴?│味精食得多會傷健康?

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心