食糖太多皮膚快老出皺紋│食品包裝聲稱要睇真| likemagazine.com.hk
Beauty & Health
食糖太多皮膚快老出皺紋│食品包裝聲稱要睇真

食糖太多皮膚快老出皺紋│食品包裝聲稱要睇真

糖係健康嘅敵人,近年大眾日益重視健康飲食文化,愈來愈多人接受飲食中少啲糖。選購食品時,有人會注意包裝上嘅聲稱,但標示住「低糖」、「無糖」、「輕糖」等嘅食品,又係咪真係食得健康啲?原來呢啲「聲稱」可能有誤導成分,所以大眾要飲食減糖嘅話,一定要睇清楚營養標籤。

 

高糖飲食增蛀牙及致肥

糖為肌肉及腦部提供即時嘅能量,但食得太多糖,攝取能量過多,不但增加蛀牙風險,亦會導致肥胖及超重。根據世衞指引,成人和兒童嘅糖攝取量應為每日能量總攝取量嘅10%以內。以成人每日攝取2000千卡能量為例子,每日糖攝取量應少於50克,即約10粒方糖。有營養師指出,持續進食糖分高嘅食物,會令身體的自由基增加,也令身體減少骨膠原,有機會加速皮膚老化,令皮膚欠缺彈性,更易出現皺紋。

 

包裝聲稱要睇真

在香港,根據《2014年食物及藥物(成分組合及標籤)規例》(第132W章),聲稱「低糖」或「無糖」的預先包裝食物,必須符合每100克固體/液體食物分別含不多於5克糖或0.5克糖的要求。另外,2017政府推出「『鹽╱糖』標籤計劃」,鼓勵業界積極參與,在預先包裝食品上加上指定嘅「低鹽」、「無鹽」、「低糖」、「無糖」標籤。不過部分食品生產商為吸引消費者,也避免觸犯規例,改用其他聲稱,令人產生食品少糖和較健康感覺,例如:輕糖、微糖、減糖、無添加某種糖等。但事實上,呢啲食品嘅糖含量可能超過消費者所想,甚至超過健康水平。所謂嘅「輕」、「微」、「減」糖,可能係與該食品之前嘅配方相比。因此,追求健康飲食嘅消費者,購物時必要保持精明,睇清楚食物營養標籤。

 

少食加糖食品更實際

其實要飲食中減少攝取糖,減少進食添加大量糖嘅食品和飲品如:蛋糕、朱古力、汽水、糖果、甜味飲料等,以多食水果、蔬菜等天然無加工食品取代,先係最實際和正確嘅飲食之道。

 

 

你或會有興趣的相關文章:

40歲以上男性痛風高危族│從飲食入手維持尿酸水平

逆市暴食甜心情更差│研究:食得健康更減壓

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
噴霧式清潔劑使用方便│吸入過量可致肺部纖維化噴霧式清潔劑使用方便│吸入過量可致肺部纖維化 係時候減走肥肉│朝早食水煮蛋輕鬆瘦身係時候減走肥肉│朝早食水煮蛋輕鬆瘦身 女生如廁後用濕紙巾清潔│可能誘發細菌感染女生如廁後用濕紙巾清潔│可能誘發細菌感染 素食者別忘補充膽鹼│缺乏膽鹼傷肝損記憶力素食者別忘補充膽鹼│缺乏膽鹼傷肝損記憶力 舌頭反映身體狀況│朝早刷牙觀舌check健康          舌頭反映身體狀況│朝早刷牙觀舌check健康 小便有泡擔心腎有事?│要分清泡沫尿和蛋白尿小便有泡擔心腎有事?│要分清泡沫尿和蛋白尿 熟齡人士咀嚼困難少食肉│增患肌少症手腳軟易跌倒熟齡人士咀嚼困難少食肉│增患肌少症手腳軟易跌倒 食用膠原蛋白不能留住青春│延緩皮膚老化呢4招更有效食用膠原蛋白不能留住青春│延緩皮膚老化呢4招更有效