新居甲醛濃度高│擺植物光觸媒真可減毒?| likemagazine.com.hk
Beauty & Health
新居甲醛濃度高│擺植物光觸媒真可減毒?

新居甲醛濃度高│擺植物光觸媒真可減毒?

新居入伙,夢想中嘅家終於成真,叫人期待又興奮。但當打開大門一刻,一種刺鼻氣味湧出嚟,你又知唔知道,新居將成健康嘅危機?甲醛係常見嘅化合毒物,可由家具、油漆、地板、裝飾物料、牆紙等釋出,污染室內空氣。唔想新居入伙變與「毒」同眠,專家給你幾個建議。

 

甲醛20年才完全揮發

甲醛係具有特殊刺激性氣味嘅無色氣體,具很高刺激性及腐蝕性。專家指出,當你聞到刺鼻氣味,代表甲醛劑量很高。甲醛對健康影響最多,刺激眼睛及鼻子後,會令人流眼水、鼻水、鼻塞及打噴嚏;長期吸入濃度過高嘅甲醛,更會出現氣管發炎、咳嗽及痰多等慢性呼吸病症狀。對女性而言,甲醛更可能影響生育能力,甚至流產。有指,甲醛要220年先可以完全揮發。家係生活裡重要部分,即使香港人出名由日忙到夜,一天裡頭始於約有1/3時間待在家。所以家中甲醛濃度高,等於天天「吸毒」,不病才怪。的確,唔少人新居入伙後便經常病,後來始發現因家中空氣被甲醛污染招病。唔想被甲醛毒害,專家有以下建議。

 

1. 選購家具留意來源及品質

雖然新居花費大,但有啲錢總要使,唔可以慳。例如家具,雖然平價唔等於質量差,但在安全標準上未必有保證。在選購時,知名廠商在用材安全方面有一定嘅保證。留心家具嘅材質,如廠家提供安全證明,要睇清楚其來源和標準。如能好好控制甲醛源頭,便能減少吸入甲醛。

 

2. 別輕信植物能吸甲醛

網絡上廣傳在家中添置植物,既綠化家居,又可吸甲醛,而且言之鑿鑿指出芸芸植物中,以吊蘭、虎尾蘭、蘆薈、常春藤和綠蘿嘅吸甲醛能力較高。不過上海市建築科學研究院做過實驗,以上植物除甲醛嘅能力有限。五種植物中,常春藤嘅甲醛淨化率最高,但1立方米內只能達到9%。若單靠在家擺放植物吸甲醛,實屬不智。

 

3. 保持家居空氣流通

家居空氣要流通,意思係能把外邊乾淨嘅空氣換置到室內,可降低甲醛濃度。打開窗讓外邊鮮風吹進屋內或開風扇,都係最佳又便宜嘅方法。但近年香港樓宇設計獨特,屋內就算大窗戶,都未必打得開。若不能自然通風,在家添置空氣淨化器也可。至於近年大受注目嘅 光觸媒,有醫生指仍欠科學實據。雖然本港醫管局曾做研究,證實使用光觸媒在消毒病房方面有一定效用,比一般病房可減少感染次數,但由於仍未有大型研究證實光觸媒分觸甲醛嘅功效,所以以通風降甲醛較為安全及實際。如有鼻敏感、氣管敏感及哮喘患者,為避免甲醛致敏,建議在新居裝修後一至兩個月,待甲醛稍散先入住更佳。

 

 

你或會有興趣的相關文章:

年尾DIY親手執靚間屋│油漆含揮發物使用要謹慎

為健康加油做瑜伽│消委會:9成瑜伽墊含有/釋出有害物

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 被日本人認定,抗頑疾更勝靈芝!姬松茸<岩出101株>被日本人認定,抗頑疾更勝靈芝!姬松茸<岩出101株> 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策