睡姿和健康個性息息相關│即check睡姿了解身心狀態

就算你係「鐵人」，好打得，天生工作狂，但人唔係機器，體力始終有限，每日總要會一會「周公」，休息回氣。瞓覺時，你會用咩睡姿呢？有醫生和生理學專家表示，睡姿和健康息息相關，根據睡姿可以了解健康狀況和個性。

唔瞓枕頭小心頸椎有病

瞓覺時，身體得到休息機會，呢個時候身體會搵個最舒服、無壓力嘅姿勢。一般而言，健康嘅人會自然地平躺咁瞓，但有啲人一覺醒來發現自己睡姿奇怪，就要多加留意，因為可能代表身體某啲地方有問題。例如瞓覺時平躺，但單手舉高，而且係特定嘅單手，可能頸椎嘅臂神經叢出問題。又例如瞓覺時唔用枕頭，由於會讓頸椎呈現唔自然角度，若果你仍然瞓得著，代表你頸椎問題嚴重，快啲尋求醫治比較好。

睡姿顯個性

睡姿揭示健康問題，同時都可睇到個人特性。由於瞓覺時，我哋處於最自然放鬆狀態，所以真情性就表露無遺。即刻check下你係以下邊款睡姿，了解自己多一啲。

胎兒型

習慣側睡，雙手放喺頭部附近，雙腳蜷曲，像胎兒喺媽媽肚內狀態。呢類人比較著重細節，做事認真，在人前會竭力表現專業形象。

上進型

都係側睡，雙手置於身體前方或習慣攬抱物品，呢類人自我認知能力強，做事積極，目標清晰，喜歡凡事清清楚楚，討厭拖泥帶水，厭惡「豬隊友」。

自律型

喜歡平躺咁瞓，面朝天花板，呢類人時刻保持警戒心，做人自律，責任心重。

奔放型

習慣趴睡，手攬著枕頭，呢類人崇尚自由，不受拘束，做事不拘小節，隨遇而安。

大愛型

睡姿平躺但雙手向上舉，像一雙大海星，呢類人包容度高，交遊廣闊，朋友多。為人隨和，萬事以和為貴，討厭爭執、衝突。

你或會有興趣的相關文章：

睡醒經常見枕頭濕大片│瞓覺流口水可能有隱疾

瞓醒總覺周身痛│可能因為瞓覺無翻身！