瞓醒經常見枕頭濕大片│瞓覺流口水可能有隱疾| likemagazine.com.hk
Beauty & Health
瞓醒經常見枕頭濕大片│瞓覺流口水可能有隱疾

瞓醒經常見枕頭濕大片│瞓覺流口水可能有隱疾

朝早起身,發覺枕頭濕咗一笪,原來昨晚瞓覺流口水。以為呢個情況好普遍?其實流口水代表睡眠質素差,長期瞓得唔好,對健康有影響。另外,部分人因身體有其他毛病,所以瞓覺時特別易流口水。如果你長期都有瞓覺流口水情況,就要注意一下。

 

睡眠質素差影響健康

瞓覺會流口水嘅人當中,部分因鼻子過敏。原來呢種人瞓覺時,常因鼻塞而擘大口呼吸,導致口水外溢。睡眠一般分四階段,流口水多數發生喺淺層睡眠期。呢段時期容易受干擾。瞓覺流口水,當身體感應到,便會驚醒,因而影響睡眠質素。長期瞓得差,日間精神疲憊乏力,也影響健康。

 

改睡姿減口水流

另外,多夢嘅人都較易瞓覺流口水,做夢時肌肉放鬆,嘴唇無法收口,口水便流出嚟。此外,睡姿都係流口水原因之一。瞓覺時若面朝下,口水易順流而下。只要更改睡姿為仰睡,由於重力關係,口水堆積到喉嚨後方時,便會觸發吞嚥嘅動作,唔會有口水流出嘅問題。仲有一個容易瞓覺流口水嘅成因,就係過度疲勞或瞓前興奮過度,有機會令大腦發出錯誤信號,增加口水分泌,因而出現流口水。

 

少數人因神經病變

另有醫生指出,部分人瞓覺流口水屬神經病變,極少數係顏面神經病變如中風等。中醫角度,脾為涎、腎為唾,當腎和脾功能欠佳,較易瞓覺流口水,只要調節飲食,並要有充足休息,情況便可改善。

 

 

你或會有興趣的相關文章:

夜晚吹住風扇瞓快入眠│小心風邪入侵傷身

頸椎有事全身唔妥│6個加快頸椎老化的動作

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
雙眼失神人變老│3個令雙眼現老態原因雙眼失神人變老│3個令雙眼現老態原因 中年人血脂失調危健康│5種食物助降膽固醇中年人血脂失調危健康│5種食物助降膽固醇 台檢出花草茶產品農藥超標│泡茶點至安心?台檢出花草茶產品農藥超標│泡茶點至安心? 40歲以後日曬後臉出斑│咪以為雀斑可能係老人斑40歲以後日曬後臉出斑│咪以為雀斑可能係老人斑 本地「有機」蔬菜驗出農藥殘餘│點樣洗菜先乾淨?本地「有機」蔬菜驗出農藥殘餘│點樣洗菜先乾淨? 工作太忙變肥易攰憂鬱│咪以為年紀大所致│可能係甲狀腺低下工作太忙變肥易攰憂鬱│咪以為年紀大所致│可能係甲狀腺低下 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 同叫蘿蔔但原來唔同科│咪亂信紅白蘿蔔唔可以同煮同叫蘿蔔但原來唔同科│咪亂信紅白蘿蔔唔可以同煮