出汗有體味難聞又尷尬│止汗劑體香劑幾時用先啱?| likemagazine.com.hk
Beauty & Health
出汗有體味難聞又尷尬│止汗劑體香劑幾時用先啱?

出汗有體味難聞又尷尬│止汗劑體香劑幾時用先啱?

天氣回暖,遇啱日間好太陽,出街行多幾步已滲汗。汗水本來無氣味,但當汗水和細菌結合上,就會產生體味。有人不喜歡體味隨身,會用止汗劑或體香劑,以減少汗水分泌或以香味蓋過汗味。但你知道呢兩種產品幾時用,先真正發揮效用,幫到你止汗僻體味呢?

 

體味元兇係細菌

體味嘅出現,元兇係細菌。出汗係人體正常嘅反應,當體力活動後、情緒緊張、天氣熱等,身體尋求冷欲方法,於是藉流汗散熱。不過,當汗水接觸到皮膚上嘅細菌,就會產生氣味。細菌分解汗液過程中,會產生硫醇,呢種化合物嘅味道聞起嚟似洋蔥、肉和硫磺。

 

氯化鋁抑汗

流汗無法避免,但身上有汗水感覺實在唔爽,若夾雜更令人尷尬,所以有人會使用止汗劑,希望改情況。止汗劑嘅成分通常為氯化鋁,呢種化學物質遇到汗水後,會形成堵住小汗腺嘅栓子,暫時抑制汗腺、減少皮膚出汗量,當皮膚上嘅細菌接觸汗液變少,就能減少釋放氣味。

 

體香劑遮蓋體味

不過,只要有汗,體味一定出現。有人連丁點體味都受唔到,體香劑就幫到手。體香劑嘅原理係改變皮膚嘅化學性質,保持腋下氣味新鮮。體香劑成分以酒精為主,能降低皮膚嘅酸鹼值,將環境改成對細菌較不利嘅酸性。部分體香劑除咗可阻止細菌微生物喺皮膚上滋長外,更添加香劑,讓人使用後散發清新香氣,將汗味遮蓋。

 

止汗劑臨瞓前用

止汗劑和體香劑各有用處,若果唔想汗水黐身,又唔要「狐仙」上身,止汗劑和體香劑一併使用又係咪得?答案係唔得嘅!兩種產品各有使用時機,使用過量或使用不當,可能會刺激皮膚。止汗劑裡嘅氯化鋁需要68小時先可以發揮效用,而且不能在流汗情況下使用,否則汗水會帶走化學物質,不能止汗。最佳嘅使用時機係臨瞓前,瞓覺時保持腋下通風,避免悶熱環境加速排汗。翌日瞓醒後略清潔一下腋下,洗去多餘嘅止汗劑便可。此外,刮腋毛後記住唔好立即使用止汗劑,呢個時候嘅皮膚較敏感,應該等一至兩日後先用。至於體香劑,適宜喺朝早洗去止汗劑後使用。使用時必須確保皮膚係乾爽。

 

 

你或會有興趣的相關文章:

襪子應正面洗定反面洗?咁樣洗襪唔臭又乾淨

入屋除鞋腳臭好尷尬│除腳臭要先知原因

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
雙眼失神人變老│3個令雙眼現老態原因雙眼失神人變老│3個令雙眼現老態原因 常戴口罩肌膚出事了?│修護護膚敷噴搽3部曲常戴口罩肌膚出事了?│修護護膚敷噴搽3部曲 食水加氟有助減蛀牙│研究:孕婦飲加氟水損幼兒智商食水加氟有助減蛀牙│研究:孕婦飲加氟水損幼兒智商 黑芝麻細細粒益處多│美顏潤髮補血補肝黑芝麻細細粒益處多│美顏潤髮補血補肝 新居甲醛濃度高│擺植物光觸媒真可減毒?新居甲醛濃度高│擺植物光觸媒真可減毒? 日本人愛吃梅子消疲勞│梅子抗氧化助減重抗老日本人愛吃梅子消疲勞│梅子抗氧化助減重抗老 多飲水食蔬果仍然便秘│專家建議3個另類方法多飲水食蔬果仍然便秘│專家建議3個另類方法 行路易攰企得耐會痛│教你練瑜伽改善扁平足行路易攰企得耐會痛│教你練瑜伽改善扁平足