鹽水漱口消喉嚨痛│發揮效果重點在嗽喉| likemagazine.com.hk
Beauty & Health
鹽水漱口消喉嚨痛│發揮效果重點在嗽喉

鹽水漱口消喉嚨痛│發揮效果重點在嗽喉

當有喉嚨痛時,你會點做?長輩教落,用鹽水漱口,話有助緩減痛楚。咪以為呢個不過係民間偏方無根據,但美國專家都肯定鹽水漱口能幫助改善喉嚨痛。若病情輕微嘅話,又想喉嚨舒服啲,一試無妨,但若病情持續或病況加劇,都係及早睇醫生比較好。

 

美國耳鼻口醫生肯定效用

以前醫學不及依家發達,而且睇醫生唔容易,民間都有自己一套對付身體毛病嘅智慧。例如喉嚨病時,長輩會叫人用鹽水漱口,話鹽能消毒殺菌。即使半信半疑,但試過後的確喉嚨痛有啲舒緩。喺美國,有耳鼻喉科醫生表示,佢都會讓患喉嚨痛嘅病人用鹽水漱口,但強調鹽水漱口無治療實效,只能減輕疼痛。佢建議,一日用鹽水漱口34次,而鹽水分量為1半杯溫水加入1/4茶匙以上嘅。當鹽當鹽分濃度達到滲透壓比細胞高,便能發揮緩減喉嚨痛嘅作用。

 

用漱口水漱口都得

鹽水能減喉嚨痛嘅原理,就係利用鹽水可洗掉沾附喺喉嚨黏膜表面上嘅病毒和細菌。不過高濃度嘅鹽會容易使細胞脫水,所以可能令人口乾。若覺得用鹽水漱口不夠科學,其實用一般具殺菌功效嘅潄口水漱口,同樣可改善喉嚨乾痛嘅作用,而且漱口水含保濕成分,用後唔會有口乾情況。鹽水潄口不太適合患高血壓或腎病嘅人,因為漱口時,難免會有部分鹽水被吞落肚,鹽水高鈉,或影響病情。

 

嗽喉才能消炎

另外,用鹽水漱口緩減喉痛,要發揮最佳功效,記住唔係潄口咁簡單,而係要嗽喉。漱口只係讓液體喺口腔、舌頭表面和底部流動;但漱喉係含着鹽水或漱口水,將頭往後仰,喉嚨「咕嚕咕嚕」,讓鹽水接觸到喉嚨,鹽水能將多餘分泌物和表面細菌帶走,達到消炎效果。

 

食雪糕都可減痛

飲食方面,有喉嚨痛者一定要戒煎炸食物,因為煎炸食物表面通常較硬,易刮傷腫脹嘅喉嚨。有人喉嚨痛會食雪糕,有醫生話呢個都係舒緩痛楚嘅方法,因為雪糕係流質食物,而且冰凍涼快,都有助消減喉嚨腫痛嘅感覺。

 

 

你或會有興趣的相關文章:

飲牛奶會生痰?其實係口水中黏蛋白作怪

蜂蜜沖水天然滋潤│不同時段飲不同效用

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 被日本人認定,抗頑疾更勝靈芝!姬松茸<岩出101株>被日本人認定,抗頑疾更勝靈芝!姬松茸<岩出101株> 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛