考試成績好與飲食有關?│考試前5個飲食建議| likemagazine.com.hk
Beauty & Health
考試成績好與飲食有關?│考試前5個飲食建議

考試成績好與飲食有關?│考試前5個飲食建議

DSE開考在即,雖然受疫情影響,考試係咪如期進行仍有一定變數,但無論如何,同學仔都應該做足準備迎接考試。人人考試都想有好成績,除咗付出努力外,你有諗過飲食都可以幫到你發揮更好?有指保持健康飲食嘅 學生,相比經常食零食和速食嘅學生智商會高一啲。另有研究指,日常飲食食得啱,更能幫助學生考試爭取好成績。

 

DSE係人生其中一個大考驗,學生嚴陣以待。考試前夕,學生緊張臨場發揮,除咗調整心情外,注意日常飲食,都有助保持健康體魄,甚至提升大腦運作能力。專注度、記憶力和解題能力原來與飲食息息相關。學生們如想在考試用努力和腦力爭取好成績,記著以下飲食守則。

 

1. 一定要食早餐

不少研究都指出,無論大學生或中學生,有食早餐習慣嘅學生,學習成績和表現較突出。英國更曾有研究發現,有食早餐習慣嘅學生喺公開考試嘅成績更會高一個等級。人體經過一晚休息後,早餐帶來活動能量,所以早餐必要食得好和豐富。好嘅早餐唔一定好製作繁複,重點其實係營養組合,當中應該包括:簡單嘅粗碳水化合物、優質蛋白質和適量纖維。粗碳水化合物比較不容易餓,而且讓人情緒更穩定。食物含粗碳水化合物有燕麥、番薯、藜麥等。蛋白質對於維持人體生理機能正常運作相當重要。建議早餐可食茶葉蛋、豆漿或低脂牛奶等攝取蛋白質。攝入適量嘅膳食纖維會使代謝更加規律,增加飽腹感,並提升整體健康水平。早餐食一份水果或沙律,便能增加纖維攝取量。

 

2. 飲足夠水分

人體有7成係水分,水對健康很重要。當人體缺水時,專注力、反應力及解題能力都會下降。好多人為避免考試期間去廁所,所以唔飲水,其實咁做只會適得其反。當我們飲水不足,會口乾、感到疲倦。唔飲水唔止影響健康,更影響考試表現。每個人每日平均要飲1.82公升水,大約係78杯飲料。若發現尿液顏色偏黃偏深,代表你體內水分不足,記住要飲水補充水分。

 

3. 咪節食減少攝碳水化合物

貪靚無分年齡,唔少中學生為咗有美好身形,而且在明星效應影響下,跟風節食,進行生酮飲食和低碳水化合物飲食。但有研究指出,喺進行低碳水化合物餐單期間,人嘅記憶力和反應都會變差。原因係腦部需要直接燃燒葡萄糖提供能量,當攝取碳水化合物不足,腦部運作就減慢。考試關頭,同學們應該集中火力在備試上,身形可以在考試後經控制飲食和運動再調整。

 

4. 留意鐵質攝取

女生每月生理期大量失血,加上食肉量一般比男生低,而植物性食物中嘅鐵質比較少和難吸收,所以好多女同學易患上缺鐵性貧血,造成疲勞和專注力下降等問題。美國有研究發現,體內鐵質水平正常嘅女大學生,GPA高出0.34分,約為一個等級嘅分數。考試前夕,女同學要注意補充足夠鐵質,含高鐵質食品包括:紅肉、動物內臟、鴨血、豬血、豆腐、深綠色蔬菜、黑芝麻、木耳、三文魚等。另外,進食豐富鐵質食物後,唔好立即飲茶或咖啡,因為茶和咖啡含多酚,會抑制人體吸收鐵質。

 

5. 避免高鈉食物

健康飲食潮流下,好多人都知高鈉攝取對身體唔好,會增加高血壓、腎病等風險。但原來高鈉飲食和認知能力都有關係。有動物實驗發現,高鈉食物會減低供給腦部嘅血液,並影響負責傳輸營養俾神經元嘅蛋白穩定,令腦部健康和認知能力變差。除咗醃製和加工食物含鈉多外,有啲食落口完全唔覺鹹嘅食物,其實都有機會含大量鈉,例子如麵包、芝士、番茄醬等。考試前,飲食口味忌濃味,如不想失滋味,建議改用天然調味料,如加入蔥、蒜、薑、香料等。

 

你或會有興趣的相關文章:

唔使刻意做運動都減到肥?│刷牙挺胸都可以瘦身

飲夠水更聰明│定時補水咪等口渴先飲水

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅