發酵食物整腸升免疫力│高鹽醃製多食無益| likemagazine.com.hk
Beauty & Health
發酵食物整腸升免疫力│高鹽醃製多食無益

發酵食物整腸升免疫力│高鹽醃製多食無益

發酵食物如:納豆、泡菜、味噌、紅麴等被視為養生食物,不過另有一方陣營指發酵食物製作時多放鹽,鈉質高,多食對身體唔好。究竟發酵食物對人體有益定有害呢?

 

鹽醃漬隔空氣抑細菌

要為發酵食物定性,對身體有益定有壞之前,先了解一下發酵食物係啲乜。古時嘅人無冰箱,為延長食物保鮮期,於是諗到用鹽醃漬。鹽能隔絕空氣與食物接觸,抑制細菌滋生,並誘使酵素進行發酵,將食物本身嘅營養從大分子轉換成小分子,例如蛋白質轉成氨基酸、碳水化合物轉換成醣類等,而食物經發酵後會產生特殊風味。

 

益生菌促進腸道平衡

發酵食物對人體有乜好處呢?首先,因為食物經發酵後,當中嘅營養被轉換成小分子,人體更易消化吸收。另外,發酵食物中含有益生菌,益生菌係好菌,進入腸道後仍可存活。當腸道中好菌比壞菌多,腸道更健康。而且好嘅腸道菌能合成維他命B雜、維他命K,有助腸道菌更平衡。再者,發酵食物裡嘅酵素能促進腸道蠕動,幫助消化。腸道健康能提升人體免疫力。部分發酵食物產生檸檬酸、醋酸之類有機酸性物質,有助控制血壓;消除疲勞。

 

攝取高鈉增健康風險

雖然發酵食物好處多,不過必要小心處理,否則當壞菌走入去,會導致發酵狀態不佳,食咗反而損健康。此外,發酵食物都加入大量鹽等醃製,含鈉量非常高,如患有高血壓、肝腎功能不佳、腸胃不佳、胃潰瘍等,不宜多食。亞洲有研究顯示,大量食用醃製蔬菜與食道癌、鼻咽癌等癌症相關。有營養師提醒,就算本身身體健康,都唔好日日食太多發酵食物,一星期23次就夠,食量適量為妙。

 

你或會有興趣的相關文章:

紅茶養生又助控體重│日飲2杯1紅茶減出纖腰

經常肚谷谷「小肚腩」減唔到?多食高脂食物促腸齡老化

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
【小編試用報告】韓國首創1+2混合配方│自製個人專屬洗髮露【小編試用報告】韓國首創1+2混合配方│自製個人專屬洗髮露 【健康Tips】夏天雨季來拒絕人蚊大戰│小編實測5種天然驅蚊法點評【健康Tips】夏天雨季來拒絕人蚊大戰│小編實測5種天然驅蚊法點評 【健康Tips】生活緊張睡得唔好 |瑜伽改善失眠淺睡【健康Tips】生活緊張睡得唔好 |瑜伽改善失眠淺睡 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適 【小編試用報告】每次經期痛到變蝦米│調經油按摩行氣活血減痛【小編試用報告】每次經期痛到變蝦米│調經油按摩行氣活血減痛