做到攰坐按摩椅鬆一鬆│使用不當反增健康風險| likemagazine.com.hk
Beauty & Health
做到攰坐按摩椅鬆一鬆│使用不當反增健康風險

做到攰坐按摩椅鬆一鬆│使用不當反增健康風險

日夜為生活打拼,忙忙碌碌,周身骨痛。近年電動按摩椅大行,好多人都喺屋企添置一部,隨時幫自己鬆骨舒痛,放鬆神經減減壓。不過,就算按摩椅設計盡力模擬人手,但機器始終係機器,使用不當,對健康帶來隱憂,除咗令酸痛更嚴重外,更可能有骨折和中風嘅風險。

 

儘管按摩椅設計不斷改進,竭力模擬人手按摩,不過機器始終係機器,唔似人手按摩多變化,可以針對唔同部位施以不同力度,使用應注意以下各點:

 

1. 拍打力重宜熱身後使用

按摩椅按摩手法有揉捏、滾輪、拍打等,滿足不同需要。當中,拍打方式較受酸痛厲害嘅人使用,因為力度較重,較有感覺。雖然拍打能按到深層肌肉,不過,機器出力始終死硬,同時有可能令淺層肌肉受傷。有物理治療師建議在沖涼後或做完伸展運動後,當身體熱身後才使用呢個模式,可減少肌肉受傷嘅機會。使用時間宜在1520分鐘內。

 

2. 使用時要坐正

按摩椅讓人放鬆,但坐上按摩椅時勿放鬆到坐唔啱位,否則姿勢偏離原定設計,唔單止影響按摩效果,更可能按摩落錯位造成傷害。

 

3. 飯前後咪按摩

使用按摩椅,唔好選擇在飯前半小時或飯後1小時。飯前身體在飢餓狀態中,血糠低,按摩時促進血循環,臟腑血液因而減少,可能引致血糖過低至暈倒。飯後立刻按摩更不宜,因血液集中胃部進行消化,按摩刺激末稍血液循環,易造成消化不良。此外,剛剛做完按摩,肌肉、神經嘅反應較慢,不宜立刻做激烈運動,否則易受傷。

 

4. 力度適可而止

按摩椅設有不同按摩力量,迎合不同需要。有人以為自己受得力,而且肌肉酸痛嚴重,所以刻意選取最強力度,以為按到痛就等於有效,按到痛就可以快啲消除疲勞。其實,凡事點到即止,選用過度力度,有可能按傷筋骨。坐上按摩枱如感任何不適,應立即中止,唔好死忍。特別係老人家,按摩按到痛,可能刺激血壓高升,增中風或心臟病風險。另外,老人痛感較差,到感覺痛時,可能已經受傷。

 

 

你或會有興趣的相關文章:

久坐唔止養出豪華臀│日坐8小時以上更易憂鬱

瞓前唔好玩手機│側身瞓住睇高危可致盲!

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 被日本人認定,抗頑疾更勝靈芝!姬松茸<岩出101株>被日本人認定,抗頑疾更勝靈芝!姬松茸<岩出101株> 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛