唔使刻意做運動都減到肥?│刷牙挺胸都可瘦身| likemagazine.com.hk
Beauty & Health
唔使刻意做運動都減到肥?│刷牙挺胸都可瘦身

唔使刻意做運動都減到肥?│刷牙挺胸都可瘦身

好快就到夏天,到時著衫少布啲,肥肉再無得遮遮掩掩。唔想出醜人前,係時候開始瘦身囉!瘦身要見效,控制飲食外,仲要配合運動。不過一講到做運動,有人耐力不足,無奈放棄。但係若果話你知,瘦身未必要好辛苦運動,平時刷牙挺胸、吃飯時挺直背、每日行下樓梯及搭車早一個站落車行多兩步就可以減到肥,你願意試試嗎?

 

提升身體活動所需熱量

想瘦又唔使運動,好似不設實際。肥胖主因之係熱量過多,當攝入嘅多過消耗,熱量囤積,就會肥胖。人體熱量嘅消耗,主要分為3個部分:第一個係「基礎代謝」,所指係一個人一日裡維持生命所需消耗嘅最小值熱量,當中包括:心跳數、呼吸等,約佔一天消耗總能量約6成;第二部分係消化和吸收食物,大約佔熱量約1成;餘下3成係身體活動所需嘅熱量。要達到減肥效果,每日熱量總消耗就要大過每日熱量總攝入。睇番人體熱量消耗分布,基礎代謝和消化食物兩部分可以改變嘅空間有限,想成功減肥就要針對身體活動所需熱量部分。

 

肥胖者NEAT較低

原來身體活動所需熱量可再分為運動消耗和非運動性兩部分,後者佔8成。若果你無意藉運動增加熱量消耗,可試從非運動性熱量消耗(Non-Exercise Activity Thermogenesis,縮寫NEAT)入手。NEAT所指係除了睡覺、吃飯和運動之外,我哋日常活動中所消耗嘅能量,例如:步行、工作、打字、家務和坐立等。有研究指出,肥嘅人坐嘅時間較長,所以NEAT消耗量較低。另有研究將肥胖者和標準身體型嘅人1日裡NEAT消枆量作比較,結果發現肥胖者喺日常生活裡消耗少約350大卡能量。350大卡係咩概念呢?大概係吃咗一件士多啤梨蛋糕嘅熱量,長年咁累積,身體就會變肥。

 

斟水或去廁所都消耗熱量

想瘦又無意刻意做運動,日常生活裡一定要多郁動。做啲乜都可以計入NEAT,有助瘦身呢?簡單例子包括:刷牙時抬頭挺胸、食飯時挺直背、抹窗、行樓梯、做家務、放狗、湊細路等。外國有研究指,企立1個鐘,乜都唔做,消耗熱量比坐喺度多100大卡。有種簡單計法,就係每坐1小時就起身行5分鐘,就可以消耗15大卡熱量。上班族返工唔方便四周行,但每日返8小時,只要每小時都起身行去斟水或去廁所,已經可以多消耗120大卡熱量。可以嘅話,每日返工出入行下樓梯,每行上層,就可消耗5大卡。每日裡簡單多郁動一下,累積下來,便可消耗多幾百大卡熱量。如能配合有節制嘅飲食,當每日熱量總消耗多過熱量總攝入,減重就見成效囉!

 

你或會有興趣的相關文章:

跑步流汗又辛苦│間歇式健走好易做│每周4次防三高

飲汽水好易肥!原來碳酸作怪令人快肚餓

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
係時候減走肥肉│朝早食水煮蛋輕鬆瘦身係時候減走肥肉│朝早食水煮蛋輕鬆瘦身 日本人愛吃梅子消疲勞│梅子抗氧化助減重抗老日本人愛吃梅子消疲勞│梅子抗氧化助減重抗老 起居生活清潔消毒│抗菌和殺菌有分別!起居生活清潔消毒│抗菌和殺菌有分別! 疫情下被迫在家工作│4招擊退腰痠背痛疫情下被迫在家工作│4招擊退腰痠背痛 有種責任叫堅持,消毒也要堅持!用正確方法打造空氣潔淨空間有種責任叫堅持,消毒也要堅持!用正確方法打造空氣潔淨空間 空氣淨化如何選擇? 你的家用了適合你的空氣淨化機嗎?空氣淨化如何選擇? 你的家用了適合你的空氣淨化機嗎? 新冠肺炎比沙士易感染眼部│在公共場所咪隨便摸眼捽眼新冠肺炎比沙士易感染眼部│在公共場所咪隨便摸眼捽眼 跟風DIY大熱「400次咖啡」│綿滑咖啡泡潛藏健康危機跟風DIY大熱「400次咖啡」│綿滑咖啡泡潛藏健康危機