夜晚吹住風扇瞓快入眠│小心風邪入侵傷身| likemagazine.com.hk
Beauty & Health
夜晚吹住風扇瞓快入眠│小心風邪入侵傷身

夜晚吹住風扇瞓快入眠│小心風邪入侵傷身

近來天氣開始轉暖,夜晚瞓覺時,好多人會開風扇,吹住涼涼微風更感舒適,比較容易入眠。不過,有中醫師指長期吹住風瞓覺,恐怕會對健康造成傷害。如本身有哮喘或過敏症,更可能令病症加劇。

 

風邪入體致不適

春雨綿綿,夜晚瞓覺時,窗外仍然落住雨,開大窗怕雨入屋,但又覺得屋內空氣唔流通,好多人都會開住風扇瞓。中醫師提醒,咁做會對健康造成傷害,原因係當我哋進入睡眠狀態時,身體嘅正氣都會跟住休息,呢個時候用風扇吹住自己,易導致風邪趁虛而入。另外,風扇轉動時,帶動氣流,將房間內嘅灰塵吹入鼻裡,如你本身有哮喘、花粉症或過敏症,有機會令病情加劇。就算你無以上健康問題,開風扇吹住瞓,容易造成眼睛、鼻竇及口腔乾燥不適,情況嚴重嘅話,身體會啟動保護反應,產生多啲黏液止乾燥。於是我哋第二起身,會容易有鼻塞、頭痛、肌肉酸痛等問題。此外,有啲長者瞓到半夜小腿抽筋或下肢酸痛,中醫師指有可能同開風扇吹住瞓,風邪入侵所致。當風扇吹住小腿成晚,小腿體溫下降,氣血運行唔通順或堵塞,就會引致抽筋、疼痛。

 

唔想因為一時舒服感而損健康,瞓覺時無論開風扇或冷氣,都唔會正面吹正正自己。風扇要定期清潔,以免外罩積聚灰塵,影響健康。

 

 

你或會有興趣的相關文章:

失眠者常羨慕「1秒入眠」│快速入睡隨時健康有事!

出盡法寶都係瞓唔著│善用日3個5分鐘│踢走失眠

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
【 Sun Wakasa Gold Plus®真.美肌】助天然Collagen激増,保持年輕肌膚!【 Sun Wakasa Gold Plus®真.美肌】助天然Collagen激増,保持年輕肌膚! 遇上灰甲點算好?激光治療深入解決問題!遇上灰甲點算好?激光治療深入解決問題! 健康飲食少糖少鹽│提防4款調味醬隱藏高糖高鈉健康飲食少糖少鹽│提防4款調味醬隱藏高糖高鈉 跟風DIY大熱「400次咖啡」│綿滑咖啡泡潛藏健康危機跟風DIY大熱「400次咖啡」│綿滑咖啡泡潛藏健康危機 常戴口罩肌膚出事了?│修護護膚敷噴搽3部曲常戴口罩肌膚出事了?│修護護膚敷噴搽3部曲 搽上面的抹茶│用於皮膚的Super Food搽上面的抹茶│用於皮膚的Super Food 行路易攰企得耐會痛│教你練瑜伽改善扁平足行路易攰企得耐會痛│教你練瑜伽改善扁平足 上班族壓力大心情差│必食呢5種營養素助紓壓上班族壓力大心情差│必食呢5種營養素助紓壓