公廁多菌女生易染病│如廁前一個動作免招病| likemagazine.com.hk
Beauty & Health
公廁多菌女生易染病│如廁前一個動作免招病

公廁多菌女生易染病│如廁前一個動作免招病

自從新冠肺炎疫情爆發後,更多人注意如廁衞生。對女性嚟講,就算無疫情,外出時人有三急要去公共廁所,更要十分小心,否則有機會患上婦科疾病,手尾就長。

 

公廁易感染婦女病

公共廁所衞生問題多多,撇除清潔不足或不當,唔排除部分問題來自使用者缺乏公德心和自律。尿液和糞便有好多細菌如金黃葡萄球菌或大腸桿菌等,容易令女士感染尿道炎、陰道炎或膀胱炎等婦科病症。細菌除集中在廁板、馬桶上,亦可能沾在廁所有其他物件,當我哋唔小心觸摸到就有機會受感染或傳播。

 

坐「無影凳」易尿滲

當人有三急,唔去廁所唔得,又忍唔到返屋企,迫住去公共廁所時,有女生唔想踩廁板咁無公德,於是無耐出動「無影凳」,凌空去廁所。「無影凳」除咗令人唔舒服外,亦可能令腹部太用力,令骨盆底肌肉鬆弛,易出現尿滲。如果坐得「無影凳」太多,年老時或會有膀胱無力症,影響如廁。

 

投紙巾入馬桶減水花濺

無人想為解三急而令自己健康受損,因此女生外出時,建議隨身帶備消毒噴劑和濕紙巾,必要時用來抹廁板。如果想如廁坐得輕鬆安心啲,市面上有售即棄式馬桶墊紙,隨身帶備幾張,有備無患。另外,自新冠肺炎爆發以來,大家應該習慣帶住酒精搓手液出街,抹或接觸廁板後,記住潔手,以保衞生。此外,建議如廁前投入一張紙巾落座廁,可防止廁水濺起而令女性私密受感染。如廁後,要有手尾,蓋上廁板先沖廁,以免沖廁時所濺起水花,細菌和病毒隨空氣飄散,污染自己衣物及廁所其他地方。廁所內每個你觸摸嘅地方如沖水掣、門把、水龍頭等,都可能沾有細菌,建議用紙巾隔住先好掂。如廁後洗手,非常基本公眾衞生常識,要用梘液捽手7個部位至少20秒。洗手後仲要記住抹乾手,因為濕潤雙手好易沾菌,洗手嘅工夫就白費喇!

 

 

你或會有興趣的相關文章:

支持環保轉用乾手機│點知有份勁散播病菌?

香港公共廁所勁污糟│如廁後用梘液洗手保健康

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

 

相關文章
都市人常難安穩入睡│中醫教赤腳行接地氣改善失眠都市人常難安穩入睡│中醫教赤腳行接地氣改善失眠 人愈大記性變差?│食菇健腦預防輕微認知障礙人愈大記性變差?│食菇健腦預防輕微認知障礙 身體出現呢4個症狀│警告你食得太鹹身體出現呢4個症狀│警告你食得太鹹 打開心輪 找到自然而來的快樂 | 強化心肺系統 改善寒背打開心輪 找到自然而來的快樂 | 強化心肺系統 改善寒背 4月已有首宗本地登革熱│4個天然無害驅蚊法4月已有首宗本地登革熱│4個天然無害驅蚊法 新居甲醛濃度高│擺植物光觸媒真可減毒?新居甲醛濃度高│擺植物光觸媒真可減毒? 港人研發紫外線消毒盒子│4分鐘殺滅隨身小物上細菌港人研發紫外線消毒盒子│4分鐘殺滅隨身小物上細菌 多飲水食蔬果仍然便秘│專家建議3個另類方法多飲水食蔬果仍然便秘│專家建議3個另類方法