小朋友過敏痛在父母心│食益生菌刺激免疫減過敏| likemagazine.com.hk
Beauty & Health
小朋友過敏痛在父母心│食益生菌刺激免疫減過敏

小朋友過敏痛在父母心│食益生菌刺激免疫減過敏

每日在社交平台遊走,都會發現唔少父母為子女出現嘅過敏反應而擔心。愈多愈多小朋友有過敏問題,有人呼吸道過敏致氣喘,有人皮膚過敏手腳滿面都紅腫,甚至發炎含膿。過敏原因有很多,除遺傳外,環境太過乾淨都會令小朋友友自然抵抗力變差。有指食益生菌可刺激身體免疫反應,讓身體免疫力變好,有助減少過敏。

 

氣喘過敏年長慢慢消失

一般有過敏體質嘅小朋友,通常先係年小時發喺皮膚上,出現包括濕疹、異味性皮膚炎等。到長大以後,就會反映喺呼吸道上,可能會出現氣喘問題。大約8成有過敏問題嘅小朋友,第一次氣喘出現喺5歲前,但隨住年紀增長,小朋友嘅氣喘情況會慢慢消失。睇見小朋友因為過敏而受苦,痛在父母心。近年,愈來愈多人尋求食藥以外嘅減緩過敏方法,食益生菌係其中一個多人關注嘅方法。

 

2歲前食益生菌效果較佳

益生囷係細菌一種,食用後可刺激身體免疫反應,提升免疫力,從而減緩過敏問題。有研究指出,媽媽有異位性皮膚炎嘅話,喺懷孕及哺乳時食益生菌,對改善小朋友未來氣喘嘅機會關聯唔大,但小朋友發生異位性皮膚炎嘅機會會比較少。益生菌之中,食用羅伊氏乳桿菌(Lactobacillus reuteri)和乾酪桿菌(Lactobacillus casei)效果較好。哺乳媽媽食益生菌,可以令母奶生成較多免疫球蛋白A。呢種物質可阻止病菌黏附喺人類嘅黏膜,包括呼吸道、腸道黏膜,減少生病機會,亦令異位皮膚炎無咁易發作。另有研究指出,小朋友喺2歲前有吃益生菌,可降低皮膚過敏嘅機會,如長大到5歲先食,效果就無咁明顯。

 

食益生菌同時多食蔬果

日常飲食中,食乜可以攝取到益生菌呢?酸奶、乳酪等都有益生菌。如想益生菌發揮更好效用嘅話,記住飲食中都要多食蔬菜及適量水果,因為呢啲食物含有益生菌最愛嘅食物─膳食纖維,益生菌活躍,就能趕跑壞菌,打造健康、平衡有力嘅免疫系統,過敏問題就減少。

 

 

你或會有興趣的相關文章:

研究指魚生內寄生蟲激增│誤食可致過敏腹痛屙嘔

過度活躍可能係飲食惹禍│ADHD患者宜少食呢啲食品

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
食水加氟有助減蛀牙│研究:孕婦飲加氟水損幼兒智商食水加氟有助減蛀牙│研究:孕婦飲加氟水損幼兒智商 本地「有機」蔬菜驗出農藥殘餘│點樣洗菜先乾淨?本地「有機」蔬菜驗出農藥殘餘│點樣洗菜先乾淨? 人愈大記性變差?│食菇健腦預防輕微認知障礙人愈大記性變差?│食菇健腦預防輕微認知障礙 炸物沾番茄醬美味倍增│番茄醬高糖高鈉含味精│長期多食恐致病炸物沾番茄醬美味倍增│番茄醬高糖高鈉含味精│長期多食恐致病 疫情回落防疫勿鬆懈│提防11個傳疫不良習慣疫情回落防疫勿鬆懈│提防11個傳疫不良習慣 常戴口罩肌膚出事了?│修護護膚敷噴搽3部曲常戴口罩肌膚出事了?│修護護膚敷噴搽3部曲 噴霧式清潔劑使用方便│吸入過量可致肺部纖維化噴霧式清潔劑使用方便│吸入過量可致肺部纖維化 銀髮族要多吃蛋白質│加強肌肉力量健骨骼銀髮族要多吃蛋白質│加強肌肉力量健骨骼