紅茶養生又助控體重│日飲2杯紅茶減出纖腰│| likemagazine.com.hk
Beauty & Health
紅茶養生又助控體重│日飲2杯紅茶減出纖腰│

紅茶養生又助控體重│日飲2杯紅茶減出纖腰│

茶葉品種多,味道各異,各人有各喜好。但講到養生功效,都有高低之分。紅茶經全發酵,減少刺激胃嘅茶多酚,暖胃又養胃。另有歐洲營養學期刊指出,一天飲2杯紅茶以上,腰圍和BMI值都會比無飲紅茶嘅人低。

 

紅茶暖胃

紅茶係全發酵茶,味道較厚重,有人覺得味道苦澀而唔鍾意飲。但若你因為咁而放棄飲紅茶就太可惜,因為紅茶好養生,尤其適合冬天飲用,具暖身之效;而脾胃虛弱嘅人飲紅茶,更有暖胃作用。由於紅茶發酵烘製後,減少咗茶葉中嘅茶多酚,而茶多酚對胃有刺激作用,因此飲紅茶比綠茶不傷胃。飲用紅茶要合時合溫,放涼先飲唔太好,另外千祈咪沖泡後放太耐,一方面營養會降低,另一方面隔夜茶不利健康。

 

日飲2杯助減腰圍

至於飲用紅茶有助控重,原因係茶裡有咖啡因,可幫助脂肪燃燒。如果用餐時到飯後30分鐘內飲用紅茶,更可以抑制脂肪吸收。數年前歐洲有營養學研究指出,喺約8千多位4589歲男女中,一日飲2杯或以上紅茶嘅人腰圍與BMI值比唔飲紅茶嘅人低。另外,咖啡因有利尿作用,幫助擴張血管,提升代謝,進而就可以幫助排出體內多餘水分及老舊廢物。經過發酵嘅紅茶仲可以幫忙促進人體消化。

 

3款紅茶飲法

嫌紅茶味道太單寡,又想藉飲紅茶來養生,有醫師建議3種紅茶做法。第一係加牛奶炮製成紅茶牛奶,早晚都飲,養胃補氣,對胃潰瘍患者更有保護胃黏膜、消炎嘅效用。第二個做法係紅茶加煮爛嘅糯米,然後濾出汁早晚飲,可改善脾虛便軟。第三種做法係紅茶加橘皮和紅糖,可改善消化不良,養胃護胃。

 

 

你或會有興趣的相關文章:

食少少就覺飽唔怕食肥│早飽易致營養不良貧血

阿媽話:飲隔夜茶傷健康│點解飲瓶裝茶無呢個問題?

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 向日本OL偷師!纖體美肌首選小球藻向日本OL偷師!纖體美肌首選小球藻 晨早起床做瑜伽│新一天由陽光好心情開始晨早起床做瑜伽│新一天由陽光好心情開始