罐頭湯烹煮飲用好方便│含鈉量高多飲致水腫| likemagazine.com.hk
Beauty & Health
罐頭湯烹煮飲用好方便│含鈉量高多飲致水腫

罐頭湯烹煮飲用好方便│含鈉量高多飲致水腫

想飲啖湯但自問無廚藝天分,開罐頭湯快靚正。市場上罐頭湯選擇多,中西式口味齊備,而且味道美味。罐頭湯烹煮和飲用方便,但都唔可以飲得太多,因為罐頭湯鈉量非常多,飲得過量影響健康,有機會引致水腫、增加高血壓等。

 

日食1平茶匙鹽超標

成日話唔好食咁多鹽,咁攝入幾多鈉先叫做超標呢?一齊嚟再重溫一下。根據世衞建議,成人每天需要2,000毫克鈉,即約相等於1平茶匙食鹽(約5克鹽)所含的鈉分量。根據衞生署的資料,本港成年人口每日的鹽攝取量約為8.8克。明白到港人食鹽有幾過量未?

 

罐頭湯鈉含量高

好,回到主題。罐頭湯多鈉,其實大家心照,問題係唔「畫出腸」嘅話,大家都唔識驚。先嚟睇睇成日被人大讚入口好creamy嘅「周打蜆湯」,每100克就有680毫克鈉;另一款同樣以滑口惹味嘅「忌廉蘑菇湯」,每100克有638.5毫克鈉。再睇下好多人以為健康嘅栗米湯,每100克就有770毫克鈉。至於蔬菜湯,每100克就有720毫克鈉。中湯嘅鈉含量又如何?即睇最多入廚人士愛用嘅清雞湯,每100克含470毫克鈉;豬骨湯則每100克有490毫克。按食物安全中心指引,每100克食物鈉含量超過600毫克已經係「高鈉」。

 

唔夠味用香料調味

按以上例子,罐頭西湯似乎含鈉較中式湯多。不過,計鈉含量,不論中西,總之係罐頭或包裝湯都唔算少。唔好忘記,一日裡頭你唔係淨飲呢碗湯,仲會食其他食物,食物中多多少少含鈉。飲咗罐頭湯已佔去一日攝取鈉量嘅大部分,甚至超標,再加埋其他食物,你個腎真係負擔得到?攝取過量鈉,會增加患高血壓嘅風險。建議大家選購時,認真睇睇營養標籤,盡量揀含鈉低一啲嘅產品。另外,飲用時可添加新鮮蔬菜,多攝取維他命、膳食纖維等營養。若覺得罐頭湯仍未夠味,咪再落鹽,改用香草、香料、蒜頭、胡椒等調味,都可以減少鈉攝取量。

 

 

 

你或會有興趣的相關文章:

朝早起身照鏡OMG│水腫點算好?

宅在家自煮隨時鈉超標│4種易中伏偏高食物

 

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策