逆市暴食甜心情更差│研究:食得健康更減壓| likemagazine.com.hk
Beauty & Health
逆市暴食甜心情更差│研究:食得健康更減壓

逆市暴食甜心情更差│研究:食得健康更減壓

疫情重創市道,影響陸續浮現,上班族被要求放年假、放無薪假、凍薪等,不明朗嘅前景令人憂慮、不安。有人唔開心時會選擇大吃大喝一餐,尤其喜歡食甜和油炸高脂類食物,為心靈帶來安慰。不過咁食法原來無助舒壓,反而改為食得健康,有研究顯示可減輕憂鬱。

 

高糖高脂飲食無助舒懷

唔開心時,你試過勁食雪糕、蛋糕、薯片、炸雞等嗎?咪見劇集中女主角暴飲暴食後舒懷,拋開所有唔開心,以為呢條橋好使得。人哋做戲咋,現實唔係咁架!澳洲有學者曾進行研究,搵嚟一班中度至重度憂鬱患者,佢哋平時飲食習慣偏向攝取過量糖、飽和脂肪或加工食品。研究隨機將佢哋分為兩個小組,一組人繼續按照平時飲食習慣,另一組人被要求睇片學營養,並依照飲食計劃進食,包括食用橄欖油、天然堅果、香料等。三星期後,結果顯作出飲食改變嘅患者小組,憂鬱症狀減輕,焦慮及壓力分數都降低;維持常規飲食患者小組在憂鬱、焦慮和壓力分數無明顯改變。三個月後,研究人員再電訪改變飲食嘅患者,發現佢哋部分人仍保持健康飲食習慣,情緒都有持續改善。

 

血清素助抗憂鬱

學者指出,正確飲食習慣確實能有效舒緩憂鬱症狀。雖然過去曾有研究指適當食甜食會令人心情好,但攝糖過多對健康不利。食甜食令人開心,原因係胰島素濃度上升,體內色氨酸優先轉化血清素,而血清素正係神經傳導物質,有助抗憂鬱。套用呢個概念,其實只要多食含有維他命B6B12嘅牛奶、魚、肝臟或綠色蔬果等食物,都能令身體產生多啲血清素、多巴胺、腎上腺等,有效降低憂鬱,令心情愉快。因此,大家遇到失意或唔開心嘅事,咪畀藉口自己放肆食甜食、炸物等,咁食法反而攝取高糖高脂,增加肥胖、心臟病及糖尿病嘅風險。人病咗,心情更差,惡性循環,更害自己啊!

 

 

你或會有興趣的相關文章:

運動後立即進食會增肥?識食不影響減重更增體力

面對疫情be positive!食物含呢3種元素│快樂解憂釋放正能量

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 晨早起床做瑜伽│新一天由陽光好心情開始晨早起床做瑜伽│新一天由陽光好心情開始 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 向日本OL偷師!纖體美肌首選小球藻向日本OL偷師!纖體美肌首選小球藻 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心