回南天洗衫好難乾?5招快速乾衣妙法| likemagazine.com.hk
Beauty & Health
回南天洗衫好難乾?5招快速乾衣妙法

回南天洗衫好難乾?5招快速乾衣妙法

睇下天氣報告,成個星期天陰陰、多雲、有霧、有雨,心情即時跟住天氣跌入低谷。春雨綿綿,「濕立立」唔止令人周身唔舒服,最令人頭痕係洗衫唔乾。雖知道唔係人人屋企有乾衣機,即使近年洗衣店開到梗有一間喺左近,但就係唔安心囉!咁嘅天氣,要喺屋企將啲衫晾乾,有乜方法呢?

 

1. 衣物排列長短長

洗好衫後,有人習慣將啲衫分晒長短,然後順序將之排列,排到靚一靚,但咁做其實令啲衫無咁易乾。曾有試驗顯示,將洗完嘅衫分別以「長短長」、「短長短」、「長長長」排列方式晾曬,結果「長短長」勝出,啲衫乾得較快。原因係當衣物排列呈拱形,中間形成空間,空氣會從呢度流過,產生上升氣流,將水分快速帶走。

 

2. 加風扇吹呀吹

當天氣翳悶時,自己覺得呼吸唔多順,你都會開把風扇吹下,等空氣流通。晾衫同樣道理,當濕度高,空氣「立」到好似唔多郁,風又無多滴時,加把風扇喺晾曬嘅衫附近,加強空氣循環,啲衫會快乾少少。

 

3. 出動吸濕神器報紙

報紙向來係吸濕好幫手,年老一輩嘅家庭主婦都有將報紙放櫃桶底嘅習慣,話吸濕一流,唔怕啲衫發霉喎!回南天晾衫時,可以將報紙鋪喺晾衫架嘅下面,報紙有吸濕功效,幫手吸啲水氣,加快乾衫速度。

 

4. 加大面積

天氣唔好,晾乾衫已經唔容易,晾大毛巾更麻煩。毛巾等吸水力強,洗完後就算用洗衣機再「乾水」一次,拎出嚟仍然好濕,好難乾。想晾曬時快少少乾,試下唔好對齊懸掛,因為咁樣水分難散發,只要用一邊長一邊短嘅掛法,毛巾就會加快「散水」。至於被單之類大件嘢,晾掛時多用幾個衣架,將其中間撐起,形成空間,當能增加空氣流通嘅面積,就可加速晾乾嘅時間。

 

5. 袋子帽子衣領反反反

其實回南天晾乾要快乾,重點係要「空間」,盡量令衣物嘅布料唔好疊埋一齊,幫佢製造空間,讓空氣流過,加快水嘅散發。牛仔褲等難乾衣物,善用多個衣架衣夾,將褲管撐開成筒狀,就可以乾得更快。另外,褲袋要反出嚟,先能吹乾。衣物如有帽子,記住又要反出嚟,必要時多用個衣架撐開佢。衣領要反起豎起嚟,增加與空氣接觸面積,自然乾得快!

 

 

你或會有興趣的相關文章:

洗衫勁落洗衣液│小心殘留刺激皮膚過敏

冷衫縮水有得救│教你水洗手洗冷衫方法

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章
恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆