運動後立即進食會增肥?識食不影響減重更增體力| likemagazine.com.hk
健康及美妝
運動後立即進食會增肥?識食不影響減重更增體力

運動後立即進食會增肥?識食不影響減重更增體力

勤運動身體好之外,做運動仲可以控體重。不過有人話,做運動後即刻進食,反而會增肥。有營養師指出,運動後識「揀飲擇食」,唔止可恢復肌肉流失嘅養分,更可提升代謝,達到更好燃燒脂肪效果。

 

運動後禁食肌肉更痠痛

運動消耗大量體能,運動後常感肚餓,你會選擇食咩醫肚?未揀嘢食前,先講下有人話做完運動立即食嘢會增肥呢個說法。台灣曾經做過一項調查,5成半人都認為運動後唔應該立即進食,有53人認為運動後可攝取維他命、礦物質,48人認為食蔬菜水果先可以幫助減重。有好多人因為怕運動後進食會增肥,於是唔敢食,結果無補充足夠營養素,之後幾日容易疲勞,肌肉痠痛,而且運動強度愈大,肌肉痠痛復原時間愈長。

 

補充碳水化合物和蛋白質

咁事實嘅真相又係點呢?有研究指出,進行長時間且強度中高嘅有氧運動後,如能夠在30分鐘至60分鐘內進食,有助修補肌肉及提供身體營養補充;而且正確飲食唔單止唔會影響減重,反而有助增強體力。咁要食乜呢?長時間運動會消耗身體嘅能量,讓身體流失水分、耗竭肝醣,因此,運動後除咗要及時補充水分外,有營養師建議食物以碳水化合物和蛋白質為重。碳水化合物可以維持血液中嘅血糖,以及恢復維持體力嘅肝醣,而蛋白質能修補因為運動受到破壞嘅肌肉組織,甚至提升基礎代謝率,加速脂肪消耗。

 

蔬果打汁助腸道吸收

碳水化合物和蛋白質嘅攝取量約為41,例如可以食2片多士和1隻烚蛋。其他攝取碳水化合物嘅食物選擇有五穀根莖類、蔬菜水果等,尤其以高纖嘅橙、蘋果、番茄等更好,可以打成果汁,加速腸道吸收,又可補充運動後流失嘅維他命和礦物質,提升飽肚感。攝取蛋白質嘅食物推介有豆漿、豆腐、魚肉類等,記住唔好食蛋糕、餅乾等高熱量甜食。

 

 

你或會有興趣的相關文章:

運動不足增非傳染病風險│中年人日日行快啲保健康

抗疫期間踩單車強身│遠離群聚又訓練肌肉

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

 

相關文章