年紀大周身痛痛痛...│熱敷緩痛3大安全守則| likemagazine.com.hk
Beauty & Health
年紀大周身痛痛痛…│熱敷緩痛3大安全守則

年紀大周身痛痛痛...│熱敷緩痛3大安全守則

人老以後周身痛,而熱敷係消痛其中一個方法。不過長者家若要用熱敷嚟舒緩身體或關節等不適,必要小心為上,家人亦應該幫手睇到實,否則因溫度過高或熱敷時間過長造成燙傷,皮膚起水泡就煩上添亂。

 

高溫促血循環緩痛

身體機能隨年紀而退化,年紀大後,便有周身痛問題。痛楚難耐,及早求醫當然係截斷病根嘅最好方法,但求醫以外,痛仍在,痛折磨人,所以多數人都會自尋解痛方法。熱敷係其中一個多人採用亦獲物理治療界推介嘅方法。熱敷嘅原理係用高溫來促進血液循環,放鬆和伸展軟組織,以達到舒緩疼痛功效。

 

如感不適咪死忍

不過即使熱敷緩痛有用,但使用時有幾點要注意。第一係溫度,不應高於45度。坊間有些可用微波爐加熱嘅產品,內裡可能係豆子、穀物或草本等。加熱時應按照廠商提供嘅建議時間,唔好因為覺得自己抵得熱,就隨便加長加熱時間,當加熱過度又沒留神,加熱產品後即時放在皮膚上,分分鐘會燙傷皮膚。第二係時間控制。一般而言,熱敷20分鐘左右足以達到體表血液循環效果,建議最好控制在1520分鐘內。第三係部位,皮膚較薄嘅部位如頸部等,使用熱敷產品時要加倍小心。如有任何不適感,應立刻停止,唔好死忍。

 

感覺遲緩者咪用

熱敷消痛雖有效,但唔係人人都可以用。嬰兒、孕婦、糖尿病、癱瘓等人對溫度感覺較遲緩,盡量唔好用熱敷產品,免得燙傷咗都不察覺。另外,熱敷時或會因溫度稍高身體自然反應會出汗,特別係熱敷背部時,建議使用趴喺度嘅姿勢,可避免因熱氣無法消散使皮膚起水泡,造成二度燙傷。熱敷產品沾有汗珠,記住要擦乾或待乾後先再加熱使用,咁先可避免水易被加熱,令熱敷產品提升而不自覺,造成單一部位灼傷。

 

你或會有興趣的相關文章:

少出街少運動脂肪暴增│每日3次行樓梯│減肥修身促健康

關節痛食豬腳以形被形?在家跳繩強肌健骨更好

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
冬天瑜伽|懶人暖身教學 冬天瑜伽|懶人暖身教學 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適