襪子應正面洗定反面洗?咁樣洗襪唔臭又乾淨| likemagazine.com.hk
Beauty & Health
襪子應正面洗定反面洗?咁樣洗襪唔臭又乾淨

襪子應正面洗定反面洗?咁樣洗襪唔臭又乾淨

疫情嚴峻,好多人返屋企第一時間除晒著過嘅衫褲鞋襪拎去清洗。洗衫好似簡單事,塞晒啲衫入洗衣機,撳個開機掣就搞掂,但啲衫點洗至乾淨又唔會洗壞洗爛呢?當中有學問架!例如襪子,你知道應該正面洗定反面洗?

 

襪內層易藏污

日本有電視節目提供洗襪方法,原來反面洗最好。原因係襪子表與內層嘅編織纖維唔一樣,一般而言,外層係天然纖維,透氣度較高,內層係伸縮性較高嘅化學纖維,容易有細小孔洞,積藏皮膚角層皮屑或污垢等,有機會成為病菌滋生嘅溫床。當把襪子反過嚟洗,就可以將內裡嘅污垢皮屑洗出來。日本大學做過研究,用2星期時間比較正面洗和反面洗嘅襪子,結果發現正面洗嘅襪子蛋白質污垢嘅殘留高出3倍,可見反面洗襪更乾淨。

 

天天更換襪子

就算襪子洗得乾乾淨淨,但點樣著都對腳部衞生有影響。首先,著襪嘅目的係避免足部和鞋子磨擦,襪子亦有吸汗作用,所以襪子每日一定要更換,天天洗。著咗成日嘅襪子,藏有很多病菌污物,若果無洗換,會增加足部皮膚疾病嘅風險。另外,如果你腳汗大或有做運動習慣,建議日換兩對襪,先可以保持足部乾淨衞生。

 

 

你或會有興趣的相關文章:

春天潮濕易生霉菌│4個吸濕防霉恩物

打開洗衣機門即崩潰│紙巾碎/淺色衫染色/勁皺點處理?

 

逆市搵工無有怕!即睇最新熱門招聘公司:http://bit.ly/2OQKwP1

 

 

TEXT: MaryLin

相關文章
冬天瑜伽|懶人暖身教學 冬天瑜伽|懶人暖身教學 執笠倉尋寶好物推介│貓爪按摩棒消酸痛減腳腫執笠倉尋寶好物推介│貓爪按摩棒消酸痛減腳腫 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適