眼藥水非保養品│長期使用有副作用| likemagazine.com.hk
Beauty & Health
眼藥水非保養品│長期使用有副作用

眼藥水非保養品│長期使用有副作用

我哋日常生活離不開電腦、手機,長時間睇住發光嘅屏幕,眼睛易感不適。有人手袋、背包或家中,長備有眼藥水,當感眼部不適時滴幾滴嚟舒緩。有人習以為常,並誤以為眼藥水可以用嚟「保養」眼睛,多用無妨。但藥始終係藥,使用眼藥水時必要留神及適量,否則有機會損害眼部健康。

 

藥品要慎用

眼藥水係好多人隨身帶備嘅藥品,雖為藥品,但好多人使用時沒以「藥」來看待。一般市面上買到嘅非處方眼藥水,主要有3大類:潤眼、抗敏和消除紅筋。消除紅筋嘅眼藥水多含血管收縮劑,以快速消除眼部紅筋。凡藥都不宜使用過量或用得太頻密,眼藥水都係,長期用呢類眼藥水可能會損害角膜及結膜,而且當血管收管劑藥性消減後,眼部紅筋又再復現。

 

含防腐劑長用刺激眼睛

另外,可多次使用嘅眼藥水多數含有防腐劑,長期使用或會導致眼睛敏感、刺激角膜或眼乾。有眼科醫生提醒,雖然部分眼藥水嘅樽身經特別設計,不需添加防腐劑都可防止細菌污染,但當使用次數多,都會提升污染嘅風險。至於一次性即棄嘅人工淚液,雖然不含或只含少量防腐劑,但都唔建議經常用,真係有需要先好用。此外,近年港人遊日時喜歡搜購藥品。日本有部分含有類固醇嘅眼藥水,唔使處方都買到。有眼科醫生提醒,雖然類固醇眼藥水可以緩解眼睛過敏,但長期唔適當使用,有機會增加眼壓,影響視力,還增加患青光眼和白內障嘅機會。佢認為,除非按醫生嘅指示,否則唔應該使用含類固醇嘅眼藥水。

 

滴眼藥水前記住洗手

當眼部不適,有人心就急,眼藥水到手,就快手滴入眼,忽略咗衞生常識。滴眼藥水時,由於會用手將眼瞼拉開,所以使用眼藥水前,應該先清潔雙手。雙手經常四處觸摸不同物件,滿布肉眼睇唔到嘅細菌。近來新冠肺炎爆發,雙手隨時染毒,無潔手就滴眼藥水,等於打開門口放任病毒入侵。

 

開封後1個要丟

滴完眼藥水後,將眼睛輕閉約2分鐘,讓眼睛充分吸收藥劑,記住盡量避免眨眼或是用力緊閉,因為咁做會讓眼藥水溢出眼睛,或者流到鼻淚管。一般而言,可多次使用嘅眼藥水開封後約1個月就要丟棄,或有部分眼藥水嘅保存較短,宜參考附有嘅說明書。另外,眼藥水要存放地方唔可以有陽光直射。至於係咪要冷藏,睇番說明書啦!一次性即棄嘅眼藥水,開封咗就要丟,切勿重用。如果要同時使用兩種以上眼藥水,建議相隔5分鐘先再滴。使用眼藥水後,若不適情況持續,或眼睛有劇痛、視力模糊等,應立即停用並盡快求醫。

 

 

你或會有興趣的相關文章:

常睇屏幕處理文書│雙眼疲勞又乾澀│調較呢3項升閱讀舒適感

上班族用眼過度累又乾│簡易3招護眼舒緩不適

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
新冠肺炎比沙士易感染眼部│在公共場所咪隨便摸眼捽眼新冠肺炎比沙士易感染眼部│在公共場所咪隨便摸眼捽眼 中醫春季養生養陽護肝│日常衣食行3個重點中醫春季養生養陽護肝│日常衣食行3個重點 新居甲醛濃度高│擺植物光觸媒真可減毒?新居甲醛濃度高│擺植物光觸媒真可減毒? 空氣淨化如何選擇? 你的家用了適合你的空氣淨化機嗎?空氣淨化如何選擇? 你的家用了適合你的空氣淨化機嗎? 中年人血脂失調危健康│5種食物助降膽固醇中年人血脂失調危健康│5種食物助降膽固醇 同叫蘿蔔但原來唔同科│咪亂信紅白蘿蔔唔可以同煮同叫蘿蔔但原來唔同科│咪亂信紅白蘿蔔唔可以同煮 上班族壓力大心情差│必食呢5種營養素助紓壓上班族壓力大心情差│必食呢5種營養素助紓壓 食水加氟有助減蛀牙│研究:孕婦飲加氟水損幼兒智商食水加氟有助減蛀牙│研究:孕婦飲加氟水損幼兒智商