生活愈忙注意力降轉數慢│每日20分鐘「Me Time」│身心靈休息得滿足| likemagazine.com.hk
Beauty & Health
生活愈忙注意力降轉數慢│每日20分鐘「Me Time」│身心靈休息得滿足

生活愈忙注意力降轉數慢│每日20分鐘「Me Time」│身心靈休息得滿足

香港人好忙。朝早忙返工,全日無停手做到放工,放工仲要永遠有遲無早。放工後要兼顧家庭,煮飯、做家務、照顧小朋友,忙到一頭煙。有人以為全日忙,生活才充實,無浪費光陰,但你知道咁做有機會失去健康?就算再能幹,人始終係人,唔係機器,總要休息。每日安排安靜獨處時間「Me Time」,對身心靈健康好重要,能讓你生活更添滿足豐盛。

 

安靜為腦部減壓

生活喺繁囂嘅城市,每日處身喺大量噪音裡,令人不安,容易煩燥。長期生活喺高壓環境下,人嘅注意力會下降,思考和解決問題能力都會減弱。因此,我們要識得適時為腦部「減壓」,排除干擾源。按心理學理論,當人喺相較安靜嘅環境之下,腦部可以自行修復其認知系統。美國曾有研究,發現完全安靜能提升腦部海馬體嘅神經增生,唔止有助學習及記憶力,仲可以改善阿茲海默症和憂鬱症。

 

每日20分鐘安靜時間

喺安靜狀態下,令人進入放空、自我冥想狀態,呢個時候,你會發覺頭腦變得清晰,思考有條理,同時身體好似變輕咗,人變得放鬆。美國有學者提出,正念對健康老化好重要,建議每日有20分鐘安靜時間,讓自己身心完全得到喘息時光。最好時間係固定嘅,能夠安排喺朝早或中午更好。就算未能如學者所建議,能夠在每日繁忙嘅日程裡抽空放空,你可以好好利用睡前510分鐘時間,靜下來沉澱一下一天發生嘅事,咁都能幫你得到舒展機會,釋放壓力和負擔。

 

你或會有興趣的相關文章:

未潔手就摸面增染疫風險│專家教3招控制不自覺摸面

香蕉唔止香甜有營養│唔講唔知香蕉7個用處

 

逆市搵工無有怕!即睇最新熱門招聘公司:http://bit.ly/2OQKwP1

 

 


TEXT: MaryLin

相關文章
冬天瑜伽|懶人暖身教學 冬天瑜伽|懶人暖身教學 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適