食用膠原蛋白不能留住青春│延緩皮膚老化呢4招更有效| likemagazine.com.hk
Beauty & Health
食用膠原蛋白不能留住青春│延緩皮膚老化呢4招更有效

食用膠原蛋白不能留住青春│延緩皮膚老化呢4招更有效

為保青春美麗容顏,女生不惜一切。每日除咗勤力塗搽各種美護品外,近年更潮興食用膠原蛋白產品。有說呢啲產品可幫助補充人體中嘅膠原蛋白,延緩皮膚衰老。凍齡係好多女生積極追求嘅目標,但食用膠原蛋白又係咪真有用?

 

膠原蛋白作用如膠水

膠原蛋白係人體結締組織中重要嘅蛋白質,廣泛存在皮膚、關節、牙齦等部位,其功用如人體裡嘅膠水,負責黏合和支撐。如人體有足夠嘅維生素C和蛋白質,可以自己合成膠原蛋白。不過,隨著年紀增長,膠原蛋白嘅合成速率減緩,加上持續流失,會出現膠原蛋白不足,皮膚缺乏彈性、關節易磨損等問題。因此,近年美護界力推膠原蛋白產品,聲稱能令鬆垮嘅肌膚回復彈性活力,令一眾追求凍齡嘅女生趨之若騖。

 

食用膠原蛋白有兩種

究竟食用膠原蛋白真係有助改善皮膚老化呢?先要認識一下我哋食咗乜落肚。目前可供食用嘅膠原蛋白產品有兩類:全膠原蛋白和水解膠原蛋白。全膠原蛋白與任何其他蛋白質一樣,在腸胃消化過程中被分解成鈦。有人話,鈦進入皮膚內層後,可以補充皮膚嘅膠原蛋白,延緩皮膚衰老。至於水解膠原蛋白,因為已被加工分解成鈦,食用後,會令大腦造成錯覺,刺激身體產生更多膠原蛋白。

 

消化後未必活下來

不過有皮膚專科醫生指出,暫時未有實驗室證據證明食用膠原蛋白對皮膚有作用,亦未有證據顯示膠原蛋白能夠喺消化過程中活下來,並最終到達皮膚。儘管食用膠原蛋白對皮膚未必有真正效用,但起碼食用唔會傷害身體。醫生建議,要令肌膚長青,抵抗老化,最佳方法始終係由均衡飲食入手,唔好偏食,而且應限制糖攝取量,因為糖確實會加促皮膚老化。此外,紫外線對皮膚傷害大,所以平日要做好防曬措施。吸煙都會令皮膚變乾快老,戒煙都係拯救肌齡嘅關鍵之一。

 

你或會有興趣的相關文章:

凍齡秘訣在飲食│5種抗氧化緩衰老食物

經常肚谷谷「小肚腩」減唔到?多食高脂食物促腸齡老化

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
晨早起床做瑜伽│新一天由陽光好心情開始晨早起床做瑜伽│新一天由陽光好心情開始 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 向日本OL偷師!纖體美肌首選小球藻向日本OL偷師!纖體美肌首選小球藻