抗疫期間踩單車強身│遠離群聚又訓練肌肉| likemagazine.com.hk
健康及美妝
抗疫期間踩單車強身│遠離群聚又訓練肌肉

抗疫期間踩單車強身│遠離群聚又訓練肌肉

在抗疫日子裡,想做運動保持健康,踩單車可能係一個唔錯嘅選擇。踩單車一個人就可以進行,唔使約人,減少群聚風險。另外,單車徑大多靠近海旁、公園等,踩單車時可順道遠離人煙,呼吸新鮮空氣,兼欣賞大自然,調劑心情,暫時放低疫情帶嚟困擾。此外,踩單車對健康更有多個好處,今個周末不妨踩返轉,散心唞下氣!

 

全身帶氧運動

單車運動係全身帶氧運動,能全面鍛鍊身體各部分,而且受傷風險較低,任何年齡嘅人都適合。踩單車與其他嘅心肺運動一樣,可以促進血液循環、提高心率,進而維持血壓平衡。按衞生署嘅資料,為保持身體健康而做嘅運動,無須劇烈。每日動運量只要相等於消耗150卡路里熱量,足以令身體獲益。有規律咁踩腳踏車,1小時可燃燒約300卡路里。

 

強健肌肉群

另外,踩單車能刺激胺多芬分泌,能令人心情愉快。踩單車更可強健肌肉群。踩單車時往下踩,會運用到臀肌、股四頭肌、小腿的腓腸肌和比目魚肌;往上回踏時,可訓練大腿後肌和前臀部的屈肌。透過拉張肌肉群,進而加強骨頭密度。踩單車時,為保持身體平衡,我們會鍛煉到腹肌;出力握住把手時,又可訓練手臂及肩膀嘅肌肉。

 

訓練空間感

踩單車除咗訓練身體不同肌肉外,亦可訓練空間感。由於單車徑唔會只得直路,總有彎道、上下坡等,踩車時身體要去掌握適應,從而提升空間感、平衡感、耐力等。當踩順咗,你就會熟能生巧,肌肉變得更靈活。踩單車更可訓練我哋嘅方向感,提升自信。內地曾有研究指,踩單車可以降低柏金遜症嘅風險。

 

你或會有興趣的相關文章:

避疫宅在家常坐唔郁動│2星期唔做運動身體速老40年

聽住歌跑步唔止更輕鬆│強勁節奏有助提升運動表現

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章