宅在家自煮隨時攝鈉超標│ 4種易中伏鈉偏高食物| likemagazine.com.hk
Beauty & Health
宅在家自煮隨時攝鈉超標│ 4種易中伏鈉偏高食物

宅在家自煮隨時攝鈉超標│ 4種易中伏鈉偏高食物

健康飲食重點之一係減少攝取鈉。大家經常將「唔好食咁鹹」掛喺嘴邊,不過你又知唔知,有啲食物食落唔係好鹹,但其實鈉含量非常高,若單憑味覺嚟判別鈉含量,未免too simple too naïve!近日大家為避疫經常宅在家,三餐自煮求方便,原來隨時中伏,不知不覺攝取咗過量鈉,大家要留意啊!

 

攝鈉過多增高血壓風險

雖然話為健康要減少攝取鈉,但唔係叫你完全唔攝取鈉,因為鈉係維持人體機能正常運作嘅必需元素,有助保持體內細胞外液和酸鹼平衡,亦係神經傳導和肌肉收縮所必需嘅物質。按世衞建議,建議成人每日嘅鈉攝取量應於2 000毫克,即略少於一平茶匙鹽。根據衞生署嘅資料,本港成年人口每日嘅鹽攝取量約8.8克。鹽和鈉經常被當作同義詞使用,但技術上,鹽係一種名為氯化鈉嘅化合物,含有40%鈉和60%氯。換言之,每1克食鹽含0.4(400毫克)鈉。如此計算,港人每日攝鈉量係3520毫克鈉,嚴重超標!膳食中攝取過多鈉會增加患高血壓的機會,亦會增加患上中風及冠心病的風險。

 

淡味唔等於鈉含量低

過量鈉壞身體,大家都明白,但有人話,明明平日飲食好清淡,唔多揀重口味,點解仍然攝取過量鈉?食物含鈉係咪過多,唔可以單憑味覺嚟判斷。雖然惹味或濃味食物一般都鈉較多,但味道清淡嘅食物一樣會多鈉。以下4種係隱形鈉含量超高嘅食物,喜歡食嘅記住唔好食過量,以免狂吞鈉都唔知!

 

即食麵

近來為避疫情,好多人唔出街,自煮過日。認真煮飯好繁瑣,所以即食麵成為大家解決三餐嘅良伴。普遍喺市面上買到嘅袋裝即食麵、杯麵,鈉含量大多超過每日攝入上限。鈉主要添加喺調味包、醬料內。食安中心曾進行檢測,最高鈉含量嘅樣本,食晒成個麵連湯飲埋,含鈉量高達4350毫克,係每日鈉攝入上限嘅兩倍多。數字係咪好嚇人?所以即食麵盡量少食為妙,如果必要食,建議減少落調味包分量,而且盡可能加入蔬菜等,一方面增添食味,一方面均衡營養。

 

各式丸子

頭先講到,宅在家日子好多人喜歡煮麵食。齋食麵味道太單寡,而且缺營養,所以各式肉丸成為即食麵嘅最佳拍檔。煮麵時加幾粒肉丸或魚丸,美味又食得滿足,但原來丸子鈉含量都偏高,每100克鈉含量約有600700毫克。肉丸魚丸等製作時,會添加鹽分幫助肉泥乳化,亦能增加風味。另外,為使肉丸等易成形,有啲廠家會加入多磷酸鈉等添加劑。因此,每餐食幾粒丸,攝取鈉量隨時超標。

 

麵線

即食麵多食對健康唔好,所以近年多咗人轉食其他麵食如麵線。麵線入口味道很清淡,以為鈉含量唔多?話你知中晒伏!未煮嘅麵線每100克約有2800毫克鈉,數字好嚇人!點解會咁呢?原來喺製作麵線時,需要多落鹽,鹽能令麵團生筋性,先可以拉長,造成細長嘅麵線。煮過嘅麵線,雖然會稍稍除去部分鹽,但仍建議煮麵線配湯時少放啲鹽,而且加啲蔬菜。蔬菜含鉀,有助身體將多餘鈉排出。

 

穀類麥片

講到大家最易上當,以為呢種食物含鈉量低嘅,應該係穀類麥片。穀類麥片一向畀人健康形象,呢啲其實係廠家塑造出嚟嘅假象。仃如早餐粟米片,大部分鈉含量高,每100克約含鈉200600毫克。每朝食一碗,其餘飯餐攝鈉都要減,否則一定超出每日上限。

 

你或會有興趣的相關文章:

疫情下即食麵銷量激增│即食麵含防腐劑多食唔健康?

一個套餐佔全日逾半熱量│研究:食快餐要健康要咁做

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
10大superfood 吃出抵抗力10大superfood 吃出抵抗力 燕麥健康營養豐富|揀錯種類血糖暴升更致肥燕麥健康營養豐富|揀錯種類血糖暴升更致肥 出汗有體味難聞又尷尬│止汗劑體香劑幾時用先啱?出汗有體味難聞又尷尬│止汗劑體香劑幾時用先啱? 銀髮族常無胃口食得差│6個備餐心思提升食慾銀髮族常無胃口食得差│6個備餐心思提升食慾 身體出現呢4個症狀│警告你食得太鹹身體出現呢4個症狀│警告你食得太鹹 春濕細菌生屋企一陣味│燒艾熏屋天然消毒淨氣春濕細菌生屋企一陣味│燒艾熏屋天然消毒淨氣 蔬果切開營養流失│冷凍蔬果保存更多營養蔬果切開營養流失│冷凍蔬果保存更多營養 長期手腳冰冷? 中醫師拆解7大迷思長期手腳冰冷? 中醫師拆解7大迷思