瞓醒唔記得發咩夢?│4種因素較易記得夢境| likemagazine.com.hk
Beauty & Health
瞓醒唔記得發咩夢?│4種因素較易記得夢境

瞓醒唔記得發咩夢?│4種因素較易記得夢境

夢係一件好神奇嘅事,疑真又似假。有人視夢境為預言,亦有人覺得係幻覺。近代心理學家則認為夢境係一種意象語言,即使我哋瞓緊覺,身體處於休息中,但大腦仍然默默處理資訊,夢其實係潛意識嘅呈現。夢一般短暫且易消散,但有人又會能夠清晰記得發過咩夢喎!原來記唔記得夢境同4種因素有關。

 

一晚發36個夢

人點解會發夢呢?其實科學家到依家都未搵到答案,不過發夢係大腦運作非常重要嘅機制,有助我哋形成長期記憶。人一晚會發幾多個夢呢?有關大腦活動嘅研究都指出,人喺10歲之後一晚可以發夢36次,每個夢境約可持續520分鐘。通常發夢發生喺快速動眼期(REM),即大約入睡後90分鐘。夢境會喺結束後5分鐘就被人忘記,一般都唔記得大半內容,逾9成人甚至一瞓醒就忘記得一乾二淨。有人會話自己無發夢,其實未必無,而係多數唔記得。如果喺快速動眼期被突然吵醒,有指會比平時更清楚記得個夢。

 

男人較易發惡夢

雖然大部分人夢醒後就無乜記憶,但記唔記得夢境跟4種因素有關。首先係性別,有調查發現,女性比男性更易記得發過咩夢;另一方面,男性較容易發惡夢。第二,年輕發夢,夢境較清晰,到咗約20歲後,對夢境嘅記憶力就開始衰退。第三,具創意和愛思考嘅人較容易記得夢境內容;實事求事或追求外在嘅人則較易忘記自己發過嘅夢。第四,原來失眠、半夜睡下醒下、患有睡眠窒息症及有飲酒習慣嘅人,都會比常人記得自己個夢。

 

 

你或會有興趣的相關文章:

失眠者常羨慕「1秒入眠」│快速入睡隨時健康有事!

食咖喱可增免疫抗病?關鍵在「天然消炎藥」薑黃

 

 

 

TEXT: MaryLin

相關文章
新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適 冬天瑜伽|懶人暖身教學 冬天瑜伽|懶人暖身教學 執笠倉尋寶好物推介│貓爪按摩棒消酸痛減腳腫執笠倉尋寶好物推介│貓爪按摩棒消酸痛減腳腫