食少少就覺飽唔怕食肥│早飽易致營養不良貧血| likemagazine.com.hk
Beauty & Health
食少少就覺飽唔怕食肥│早飽易致營養不良貧血

食少少就覺飽唔怕食肥│早飽易致營養不良貧血

食量呢回事人人唔同,有人食極唔飽,食量驚人;相反有人食幾啖就話飽,食量細得令人羨慕,唔使擔心食得多會致肥。究竟食量細係咪真係好?原來唔係架,反而可能係健康出咗問題,係身體發出嘅警告。

 

胃功能弱影響食量

胃口細可能胃部出問題。如果你明明肚餓,但依然食少少已經覺飽,而且腹部都脹起,有噯氣,甚至噁心等,呢個原來係胃病嘅一種徵狀,叫做「早飽現象」。點解會有「早飽」呢?一般因為胃功能弱,食物喺胃裡面無法好好消化和吸收,於是積喺度原地唔郁,當胃部無空間再存放更多食物,就會有飽嘅感覺,亦即係所謂嘅「胃口細」。實際上,呢種「飽」嘅感覺唔係真,你根本無食飽,若長時間因為咁而食得太少,好容易出現營養不良或者貧血等健康問題。

 

少食多餐攝取身體所需

「胃口細」嘅人要解決問題,方法一係少食多餐。如之前所講,每次進餐後由於好快覺飽,所以無法再食,但實情根本未食夠。食得唔多改變唔到,所以用次數搭夠,多食幾餐,令自己攝取足夠營養。第二,進食時宜選擇易消化嘅食物。由於胃功能弱,消化力差,所以盡量唔好食太多堅硬、難消化嘅食物。另外,唔好食辣或刺激性食物,生冷及寒涼食物都要少食,以免對胃造成刺激,不利恢復。如果「胃口細」持續,甚至情況加劇,身體出現其他毛病,建議盡早求醫做檢查一下胃部,查出胃功能下降嘅真正原因。

 

 

你或會有興趣的相關文章:

阿媽話:飲隔夜茶傷健康│點解飲瓶裝茶無呢個問題?

快速解辣飲水唔得架!真正解辣靠呢啲

 

 

逆市搵工無有怕!即睇最新熱門招聘公司:http://bit.ly/2OQKwP1

 

 

TEXT: MaryLin

相關文章
向日本OL偷師!纖體美肌首選小球藻向日本OL偷師!纖體美肌首選小球藻 執笠倉尋寶好物推介│貓爪按摩棒消酸痛減腳腫執笠倉尋寶好物推介│貓爪按摩棒消酸痛減腳腫