每次勤洗頭一洗一驚心│人到中年脫髮嚴重點改善?│中醫4招養髮| likemagazine.com.hk
Beauty & Health
每次勤洗頭一洗一驚心│人到中年脫髮嚴重點改善?│中醫4招養髮

每次勤洗頭一洗一驚心│人到中年脫髮嚴重點改善?│中醫4招養髮

新冠肺炎擴散未遏止,為防染疫,好多人外出後一返到屋企,第一時間換衫沖涼洗頭。講到洗頭,對步入中年嘅男女而言,或者係惡夢,因為每次洗頭一抓頭,滿手脫髮,脫髮量之多,令人不禁擔心再咁日日洗頭,終有一日會洗到光頭!要減少脫髮,可以從3方面著手。

 

日掉百根頭髮屬正常

頭髮係一個動態平衡,一邊生長,一邊掉落,實屬正常。一般而言,每日脫髮約50100根都係正常。有別於正常嘅脫髮,成因眾多,有人因遺傳,有人因壓力,亦有人因營養不良或體虛血弱。長出頭髮嘅毛囊其實好強頑,只要內裡嘅幹細胞無死光,都有機會重新出「髮」!因此,盡早展開養髮工夫,保持毛囊健康,便可減少脫髮。有中醫師建議,養髮可由4方面著手。

 

1. 洗頭

頭皮同面部皮膚一樣,有層油脂作保護膜,所以日常洗頭,切忌過度清潔,將保護油脂洗走晒。選擇合適嘅洗髮產品係重點,首先要避免使用皂性或過度強效嘅產品,盡量選用性筫溫和,而且功能愈簡單愈好,即係話唔建議使用多合一嘅洗髮產品。初轉用時,或者會令人覺得唔自然,因為頭髮好快就變得油膩。但唔使擔心,呢個係頭皮重建保護油脂嘅過程,大約12兩星期情況就會穩定落嚟,呢個時候你會覺得頭皮無咁油,亦無咁容易發臭。洗頭後,記住唔好用力搓頭髮以弄乾,否則會傷髮又傷頭皮。只要用毛巾輕力溫柔印乾頭髮上水分即可。用風筒吹髮時,確認溫度唔好太高,而且吹到9成乾就可以。風筒熱力過度,會弄傷頭皮,影響毛囊健康。

 

2. 日常飲食

飲食和健康息息相關。保時均衡飲食就係保持健康之道。有健康嘅體魄,脫髮便能解決。中醫角度,頭髮生長主要依賴腎氣供養,而中醫學中有「五色食療」說法, 唔同嘅五色味食品分別主養相對應嘅臟腑;黑色食物就與腎相對應。多食黑豆、何首烏、桑椹子、黑芝麻、杜仲等都能養血、烏髮、生髮。另外,養髮飲食拒絕甜食,因為糖會快速推高血糖,影響健康。甜食亦會令本來頭皮健康不佳嘅人出現頭皮紅、癢,甚至頭皮問題更嚴重。另外,如有吸煙習慣,最好戒咗佢,因為有指尼古丁會令頭皮小血管收縮,減短毛囊壽命。

 

3. 充足睡眠

瞓覺讓身體得到休息和恢復。如作息時間混亂,身體唔夠休息,體內壓力荷爾蒙「皮質醇」偏高,會降低疫疫力。

 

4 穴位按摩

中醫穴位按摩對促進頭皮和頭髮健康有一定幫助。日常可輕按位於前額嘅神庭穴、頭頂嘅百會穴、眼旁兩側嘅太陽穴、耳背附近嘅翳風穴、後頸附近嘅生髮穴和風池穴,以及,都能加速新陳代謝,促進毛囊再生,有助改善減低白髮和頭髮脫落等問題。

 

你或會有興趣的相關文章:

頭髮反映健康狀況│日甩百條頭髮屬正常

秋冬天氣乾燥│4步做好頭髮護理│擊敗頭皮屑!

 

 

逆市搵工無有怕!即睇最新熱門招聘公司:http://bit.ly/2OQKwP1

TEXT:MaryLin

相關文章
習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素