經常肚谷谷「小肚腩」減唔到?多高脂食物促腸齡老化| likemagazine.com.hk
Beauty & Health
經常肚谷谷「小肚腩」減唔到?多高脂食物促腸齡老化

經常肚谷谷「小肚腩」減唔到?多高脂食物促腸齡老化

唔少女生經常抱怨,無論幾努力做運動,肚仔依然脹卜卜,著緊身衫時遮唔到,突晒出嚟好難睇。原來長期進食高脂食物,會令肚裡充滿壞菌,影響腸道健康,以致排便不順,成日有屙唔清感覺,所以肚仔長期谷住,好似瘦唔到咁。

 

台灣7成青壯年腸道老化

美食當前難忍口,更何況係香氣四溢嘅煎炸物和燒烤食物?每次一聞到嗰陣香味,已令人唾涎,食慾大增。不過,經常進食高脂,會影響腸道健康。台灣嘅年輕人跟香港人一樣,飲食趨向西化,愛吃炸物、燒烤等高脂食物。當地曾有調查指出,1559歲嘅人嘅平均腸年齡比實際年齡高出11.3歲。7成青壯年嘅人腸齡出現老化,每10人中就有5人有便秘困擾。

 

腸內好多菌

究竟高脂食物如何影響腸道健康呢?原來人嘅腸道係唯一容許有細菌存在嘅地方,腸道內約有500種細菌,細菌量逾100兆。咪聽到細菌就「巧京京」,其實呢啲細菌對健康有重要作用,與人體共生。近年唔少研究顯示腸道細菌叢與肥胖、癌症、腦退化症等有關。概括而言,改變腸道微生物環境,可以降低脂肪堆積、減少飲食中脂肪嘅吸收,進而減少體內嘅脂肪含量。經常進食高脂食物,當中嘅脂類令腸道嘅菌群獲得養物減少,令腸道菌群失衡,解發炎症因子,從而影響健康。

 

益生菌增加腸蠕動

腸內細菌有好有壞,只要保持平衡,便可促進腸道健康。好嘅細菌例如益生菌、乳酸菌等,近年大家應該唔陌生,因為市面上充斥含有呢啲菌嘅食物或補充劑,聲稱食咗對健康好。適量補充益生菌,的確有助增加腸胃道蠕動、改善便秘;對排便正常者,對控重有幫助。此外,益生菌可代謝飲食中嘅醣類食物,減少飲食中大量的葡萄糖進入血液,並啟動抗發炎反應,增加胰島素敏感性、降低發炎性反應。不過,若果淨係補充益生菌,無攝取足夠嘅膳食纖維,以及做好飲食控制,並有適量運動,係無法達到良好嘅減重效果。因此,如想藉改善腸道健康,提升整體健康,喺補充益生菌同時,每日都要食3份蔬菜和2份水果,並建議以全穀物代替精緻澱粉。泡菜、味噌等發酵食物含有益生菌,可以在日常飲食中適量添加,促進腸道菌叢平衡,促進健康。

 

你或會有興趣的相關文章:

多食白米無益反增肥│三餐攝全穀雜糧增免疫力

便秘要多攝膳食纖維?亂食或過量排便更難

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 有種責任叫堅持,消毒也要堅持!用正確方法打造空氣潔淨空間有種責任叫堅持,消毒也要堅持!用正確方法打造空氣潔淨空間 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 打開心輪 找到自然而來的快樂 | 強化心肺系統 改善寒背打開心輪 找到自然而來的快樂 | 強化心肺系統 改善寒背 搽上面的抹茶│用於皮膚的Super Food搽上面的抹茶│用於皮膚的Super Food 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 空氣淨化如何選擇? 你的家用了適合你的空氣淨化機嗎?空氣淨化如何選擇? 你的家用了適合你的空氣淨化機嗎? 免費氣能掃描檢測!約10分鐘了解能量、經絡健康狀況免費氣能掃描檢測!約10分鐘了解能量、經絡健康狀況