阿媽話:飲隔夜茶傷健康|點解飲瓶裝茶無呢個問題?| likemagazine.com.hk
Beauty & Health
阿媽話:飲隔夜茶傷健康|點解飲瓶裝茶無呢個問題?

阿媽話:飲隔夜茶傷健康|點解飲瓶裝茶無呢個問題?

有飲茶習慣嘅人都應該聽過「唔好飲隔夜茶」,話會損健康。近年瓶裝茶大行其道,瓶裝茶內嘅茶都係用茶葉泡成,從另一角度睇都係經加工嘅「隔夜茶」,點解我哋又可以安心飲呢?原來關鍵唔在於「隔夜」,而係茶葉中所含嘅單寧酸。

 

單寧酸作怪

單寧酸係一種多酚類物質,當茶葉用熱水沖泡,就會不斷釋放內裡嘅單寧酸。單寧酸會使蛋白質凝固,與胃酸結合沉澱喺胃部,阻礙鐵質吸收,而且容易傷害黏膜,所以胃不佳嘅人唔太適量飲用過量茶。另外,茶嘅苦澀味,其實來自單寧酸,當茶中單寧酸愈多,茶愈苦澀難入口。

 

茶放室溫太耐生細菌

一直以來,民間都有「唔好飲隔夜茶」嘅說法,從保障健康角度,都有道理。一方面,如之前所講,茶葉長時間浸泡,茶中單寧酸過多,影響胃部健康及鐵吸收;另一方面,茶長時間放喺室溫中,易滋生微生物,飲咗可能會生病。至於瓶裝茶,點解又無隔夜飲導致健康問題呢?原來同泡茶時間和生產工序有關。瓶裝茶生產過程中,茶葉經萃取泡成茶湯後,茶葉就會移走,唔會長時間浸泡,所以唔會好似我哋傳統泡茶咁,茶葉會不斷釋放單寧酸。另外,瓶裝茶喺封瓶之前都會進行殺菌,讓產品達到無菌狀態,因而唔會有滋生細菌嘅問題。

 

瓶裝茶開封後盡快飲用

雖然飲用瓶裝茶無「飲用隔夜茶」嘅問題,但開瓶後宜盡快飲用,飲唔晒就要放雪櫃保存。其實瓶裝茶打開後,接觸到空氣,就可能會有細菌滋生;如果說你直接用口飲,而唔係斟出嚟飲,口水接觸到瓶裡嘅茶,茶就會滋生細菌。因此,瓶裝茶開咗最好喺12小時內飲完。若果飲剩嘅茶經保存後隔日先飲,要留意茶嘅狀況,如有冒泡、混濁或異味,就唔好再飲喇!

 

你或會有興趣的相關文章:

日日刷牙都有口臭│成因未必係熱氣火大

提子外皮白霜係農藥?泡洗時加呢樣乾淨晒!

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT:MaryLin

相關文章
天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素