日日刷牙都有口臭｜成因未必係熱氣火大

人與人面對面溝通，最怕係乜？唔係語言不通，亦唔係大玩語言「藝術」，而係有口臭。一邊講一邊飄「香」，真係好難頂！雖然有口臭唔係乜大問題，但係唔處理，人際關係難免受影響。同時，有口臭代表身體有毛病，為健康著想，絕對不應忽視。

男性比女性易有口臭

美國有統計，男性比女性有口臭，情況更普遍，主要因為不良口腔衞生習慣所致。好多人以為有口臭，因為熱氣，火氣大。不過有口腔外科專家指出，真正嘅原因，8成以上都係口腔疾病造成，其他非口腔或全身性疾病成因，不過佔1至2成。究竟有咩情況會令人有口臭呢？

1 瞓醒有口臭

一般人瞓醒後，張口都覺臭，主要原因係夜晚瞓著後，唾液嘅分泌量與流動大減，導致口腔細菌滋生。有研究指出，每 1 c.c.唾液含有細菌數量，與10克糞便嘅細菌數目差唔多，而且仲充滿好多老廢物質及揮發性硫化物。

2 食煙飲酒

有呢兩個習慣嘅人，口腔裡會殘留酒或煙嘅味道，造成口氣，而且煙酒損健康，腸胃及肝功能受影響，便會有口臭問題。

3 進食氣味濃烈食物

洋葱、蒜、經煙燻、醃製或發酵嘅食物，都有獨特氣味，經口內唾液細菌融合分解後，容易產生難聞嘅口氣。

4 口乾

唾液其中一個功用係沖洗並去除口腔內嘅細菌和食物顆粒。當口腔內唾液缺少，細菌和食物碎片無法除掉，並開始在口腔內分解，就會產生難聞的氣味。口乾成因除飲水不足外，某些藥物都會引致口乾。另外，患有暴食症和厭食症或正在懷孕或餵哺母乳的媽媽也可能會因為脫水和荷爾蒙變化而出現口乾情況。

飲茶有助除口臭

如發現自己非牙患而有口臭，平時應多喝水，保持口腔濕潤。此外適量飲茶都有幫助，因為綠茶含兒茶素而紅茶裡有茶黃素，都具有抗菌、抗炎嘅作用，有助除口臭。此外，進食濃味食物後，漱口或刷牙都可除去難聞氣味。每餐後刷牙，不方便刷牙嘅話，食香口膠，幫助潔齒，都能改善口臭問題。如有吸煙和飲酒習慣，事後盡快刷牙潔淨口腔，都可減少口臭。當然最好將壞習慣戒掉，就一定唔會有口臭。

你或會有興趣的相關文章：

瞓醒口氣臭到冤│中醫教判味知健康狀況

飯後除口氣│香口膠以外仲有...

逆市搵工無有怕！即睇最新熱門招聘公司：http://bit.ly/2OQKwP1

TEXT:MaryLin