近年大眾愈來愈注重飲食健康，很多人都有食燕麥嘅習慣，唔止用嚟做早餐，也因為燕麥低脂高纖，有人更當作下午茶或頂肚餓嘅小食，以及取代正餐嘅米飯或麵條。雖然燕麥係健康食物，但市面有售嘅燕麥種類多，若果買錯食錯，對血糖影響大，尤其糖尿病患者，以為食得健康，其實不知不覺損健康。
含豐富可溶性纖維
燕麥係全穀類食物，含豐富嘅碳水化合物、膳食纖維、蛋白質、維他命、礦物質等。燕麥曾被《Time》選為超級食物，因為燕麥中具黏稠感嘅可溶性纖維「β-葡聚醣」，呢種成分唔會被身體吸收，有助降低體內壞的膽固醇（LDL），減少心血管疾病。此外，燕麥中嘅可溶性纖維仲會喺腸內建立一層保護膜，減少碳水化合物嘅吸收率，維持血糖穩定。
燕麥產品種類有多種
在選購燕麥產品時，大家應該發現有多種，包括：即食、快熟及原片。簡單而言，三者加工程度和切割方式都不同，所以除口感有別外，消化時間都長短不同，因此進食後對血糖也有不同影響。
傳統原片燕麥
燕麥由於沒經切片或碾平，所以顆粒形狀完整，粒粒分明。食起嚟口感較軟韌，要用水煮約10分鐘。西式食法加牛奶同煮，中式食法可作鹹粥。由於原片關係，消化時間較長，因此升糖指數為50至63，引起血糖波動較平緩。
快熟麥片
經加工碾壓，比傳統燕麥片更薄，食起嚟口感更軟。用熱水煮嘅話，比傳統燕麥片較快，約3至5分鐘就可以。升糖指數約為71。
即食麥片
經過精製，先將燕麥烤焗，並切為薄片，再經碾平，幾乎睇唔到燕麥片原狀，全部碎碎，含水量低，吸水特快，所以加熱水或熱牛奶泡開就食得，不需要煮。質感如糊，食起嚟非常軟綿。升糖指數為82，食後消化快，血糖升高都快。
糖尿病患者選購要小心
由於不同燕麥產品嘅升糖指數有別，尤其糖尿病患者如卻好好控制餐後血糖，購買燕麥時必要小心選擇。如上資料，快熟燕麥升糖快，糖尿病患者唔太適合食用，反而傳統麥片需時消化，對穩定血糖較好。另外，燕麥雖然低脂高纖，但熱量也不少。以35克燕麥片加一杯低脂奶計算，一碗燕麥約230卡路里。100克白米飯嘅熱量約為115卡路里。打算以燕麥代米飯或麵條嘅控重人士要小心計算，否則燕麥食太多，一樣會肥啊！選購燕麥產品時，仲有一點要留意，就係睇清楚包裝上成分標籤。部分燕麥產品為更可口，會添加糖和其他食材，多食有機會致肥及增加健康風險。
你或會有興趣的相關文章：
皮膚白晳滑溜由內而外│多食呢4類美肌食物
上班族難言之隱│便秘少食7類食物
逆市搵工無有怕！即睇最新熱門招聘公司：http://bit.ly/2OQKwP1
TEXT:MaryLin