避疫宅在家常坐唔郁動|2星期唔做運動身體速老40年| likemagazine.com.hk
Beauty & Health
避疫宅在家常坐唔郁動|2星期唔做運動身體速老40年

避疫宅在家常坐唔郁動|2星期唔做運動身體速老40年

運動係保持健康嘅最好方法,不過疫情影響下,外出要冒風險,所以唔少人都停止咗恒常嘅運動。雖然家中地方有限,但為健康著想,大家都應該諗方法在家點運動。因為有研究指出,只要停止運動十幾日,身體已經慢慢出現變化,影響健康。

 

減少運動健康變差

成日都聽人講,唔做運動和坐得多會影響身體健康,究竟影響有幾大呢?可以參考一項歐洲嘅研究。研究對象係年輕但非肥胖嘅成年人,正常情況下佢哋每日都會步行步萬步以上,但進行實驗期間,被要求平均每天減少至約1萬步運動,而且增加103分鐘坐喺度嘅時間。14日後,經測檢,呢班人嘅心血管功能下降咗1.8%,而且心肺功能下降,腰圍增加。不過當恢復正常運動14天,佢哋嘅血管功能又恢復到原先嘅水平。

 

另一項丹麥做嘅研究,將參加者其中一隻腳用固定器綁住,保持唔郁狀態2星期。結果發現年輕參加者嘅腳部肌肉平均減少485克,意味住年輕人肌肉力量降低咗個1/3,以肌肉力量衰退程度而言,約相當於老咗4050年。至於一項關於運動對心肺功能嘅影響研究,要求馬拉松運動員停止訓練15天,結果運動員嘅最大攝氧量降低咗17%。最大攝氧量反映心肺功能水平,攝氧量降低,亦降低抗病能力。

 

 

年輕人唔運動,健康和身體機能都轉差,咁老年人唔運動又會點呢?曾有研究搵嚟一班身體健康嘅老年人做測試,要佢哋停止10天鍛煉,結果研究人員發現呢班老人嘅大腦中負責機體思考、學習、記憶嘅重要區域,血流量有明顯下降。

 

被迫留在家都要做運動

綜合多項研究結果,適量運動的確能促進健康,有助降低患上一系列非傳染病風險包括糖尿病、高血壓、心血管病、中風、部分癌症(例如大腸癌)和抑鬱症。按世衞建議,成人每周至少做150分鐘中等強度運動或75分鐘高強度運動。咩叫中等強度和高強度運動呢「中等強度」指進行體能活動時,呼吸和心跳稍為加快,輕微流汗,但不覺辛苦;「高強度係指進行體能活動時,呼吸急速、心跳很快和大量流汗,感覺辛苦。中等強度運動包括:快走、跳舞、做家務、帶寵物散步等;高強度運動例如:跑步、打籃球、踢足球、快速踩單車等。即使最近疫情嚴峻,大家留在家都要想辦法做啲運動,簡單做下家務都係運動嘅一種,運動強健體魄,身體健康先有足夠免疫力抗疫。

 

 

你或會有興趣的相關文章:

聽住歌跑步唔止更放鬆│強勁節奏有助提升運動表現

步入熟齡血壓高│一周3次毛巾操│助降壓又無副作用

 

 

逆市搵工無有怕!即睇最新熱門招聘公司:http://bit.ly/2OQKwP1

 

 

 

TEXT: MaryLin

相關文章
無證據顯示貓狗會傳播病毒│ 寵主負責任勿棄養寵物無證據顯示貓狗會傳播病毒│ 寵主負責任勿棄養寵物 樂齡人士食馬鈴薯攝鉀和抗性澱粉│穩定血壓控血脂保健康樂齡人士食馬鈴薯攝鉀和抗性澱粉│穩定血壓控血脂保健康 踢走豪華臀!每天只需4分鐘修臀及瘦臀練習踢走豪華臀!每天只需4分鐘修臀及瘦臀練習 食少少就覺飽唔怕食肥│早飽易致營養不良貧血食少少就覺飽唔怕食肥│早飽易致營養不良貧血 想長壽,飲食要唔怕臭!│日食納豆降死亡率10%想長壽,飲食要唔怕臭!│日食納豆降死亡率10% 素食者別忘補充膽鹼│缺乏膽鹼傷肝損記憶力素食者別忘補充膽鹼│缺乏膽鹼傷肝損記憶力 遇上灰甲點算好?激光治療深入解決問題!遇上灰甲點算好?激光治療深入解決問題! 黑芝麻細細粒益處多│美顏潤髮補血補肝黑芝麻細細粒益處多│美顏潤髮補血補肝