疫情下即食麵銷量激增|即食麵含防腐劑多食唔健康?| likemagazine.com.hk
Beauty & Health
疫情下即食麵銷量激增|即食麵含防腐劑多食唔健康?

疫情下即食麵銷量激增|即食麵含防腐劑多食唔健康?

香港新冠肺炎進入第二波疫情,好多人為避免染疫,聽從政府呼籲,少出街,多留在家。一日三餐唔方便出街食,煮個麵快趣又方便。有即食麵品牌表示,近年個星期嘅即食麵銷量較同期升五至六倍。即食麵係宅在家嘅開餐首選,不過有話即食麵含防腐劑,唔止多食無益,更會變木乃伊,究竟係真唔係呢?

 

麵條經加工保質防腐

本土漫畫《老夫子》其中一個經典故事係老夫子日日食即食麵,但因為即食麵含防腐劑,因此老夫子死後屍身不腐,幾千年後被挖出嚟當做木乃伊,供遊客參觀。即食麵真係有防腐劑嗎?其實現今市面出售嘅即食麵好少添加防腐劑,而是經加工處理,例如將麵條油炸或烘乾,將麵條水分去除,使殘存或外來微生物都無法繁殖,降低腐敗劣變情形發生,而達到延長保存期限的目的。此外,食品商又會在麵條裡添入維他命等抗氧化劑,以降低麵條嘅水分含量來抑制細菌生長。

 

防腐劑在調味包

食即食麵食到防腐劑,其實出事位唔係麵條,而係調味包和醬料。即食麵味道可以千變萬化,而且惹味可口,味道來自調味包。調味包和醬料內含醬油、辣椒醬等調味品,調味料含水分易壞,所以食品商會添加防腐劑保質。因此,煮即食麵時最好放調味包,就可減少攝取不利健康嘅防腐劑。

 

油炸麵條含油脂量高

雖然即食麵麵條無防腐劑問題,但由於部分經油炸,脂肪含量高,多食一樣壞健康。細心睇下即食麵嘅營養標籤,發現大部分經油炸嘅即食麵,配料表中都表示含棕櫚油,而且排列前幾位,表示成分比例較高。棕櫚油一種飽和脂肪含量高植物油,其飽和脂肪含量約佔總脂肪量一半。此外,即食麵的調味油或醬料會加入牛油、豬油或棕櫚油作配料,咁都會令即食麵嘅飽和脂肪含量增加。按世衞指引,以一個每日攝入2,000千卡能量的人為例,每日總脂肪攝入量應不高於60即約4湯匙油。進食過多總脂肪容易引致超重和肥胖症。 該次檢測嘅樣本中,總脂肪含量較高嘅3款麵,任何一款成包食晒就會攝入超過30克總脂肪,即約2湯匙油,係每人每日總脂肪攝入上限一半。

 

鈉含量高增健康風險

講到即食麵對健康嘅危害,另一個不容忽視係鈉過量。食物安全中心曾於2019年發表報告,檢測市面有售48款預先包裝即食麵,大部分樣本鈉含量偏高,有多達13款若全包進食包括連湯全部飲晒,所攝入鈉會超過每日攝入2,000毫克進食過多鈉會增加患高血壓風險。

 

4個健康食法

即食麵食用方便又美味,難忍口唔食嘅話,要食就要聰明地食。首先,選購時最好揀「非油炸」,以減少脂肪攝取量。第二,減少使用附送嘅調味包和醬料,而且唔好飲晒啲湯,減少攝入過量鈉和防腐劑。第三,煮麵時唔好懶,1次煮麵後將水倒掉,之後再加水煮麵,咁做可以將麵條嘅油脂釋出,降低含油量,食得較健康。第四,煮麵時添加蔬菜,增加攝取多元營養和膳食纖維。

 

 

 

 

你或會有興趣的相關文章:

寒天食碗日本拉麵暖入心│豚骨湯勁多油超晒標

即食麵好味但無營│6個較健康食法建議

 

 

逆市搵工無有怕!即睇最新熱門招聘公司:http://bit.ly/2OQKwP1

 

 

TEXT: MaryLin

相關文章
食糖太多皮膚快老出皺紋│食品包裝聲稱要睇真食糖太多皮膚快老出皺紋│食品包裝聲稱要睇真 常戴口罩肌膚出事了?│修護護膚敷噴搽3部曲常戴口罩肌膚出事了?│修護護膚敷噴搽3部曲 黑芝麻細細粒益處多│美顏潤髮補血補肝黑芝麻細細粒益處多│美顏潤髮補血補肝 有種責任叫堅持,消毒也要堅持!用正確方法打造空氣潔淨空間有種責任叫堅持,消毒也要堅持!用正確方法打造空氣潔淨空間 雙眼失神人變老│3個令雙眼現老態原因雙眼失神人變老│3個令雙眼現老態原因 40歲以後日曬後臉出斑│咪以為雀斑可能係老人斑40歲以後日曬後臉出斑│咪以為雀斑可能係老人斑 健康飲食少糖少鹽│提防4款調味醬隱藏高糖高鈉健康飲食少糖少鹽│提防4款調味醬隱藏高糖高鈉 本地「有機」蔬菜驗出農藥殘餘│點樣洗菜先乾淨?本地「有機」蔬菜驗出農藥殘餘│點樣洗菜先乾淨?