上班族用眼過度累又乾│簡易3招護眼舒緩不適| likemagazine.com.hk
Beauty & Health
上班族用眼過度累又乾│簡易3招護眼舒緩不適

上班族用眼過度累又乾│簡易3招護眼舒緩不適

上班族長時間對著電腦工作,放工後又手機不離手,繼續上網、煲劇、打機,雙眼無適當休息,容易出現眼倦、眼乾等問題,甚至加深近視。眼睛係靈魂之窗,必要好好保護。用眼過度後感到不適,以下3個簡單方法有助舒緩,讓雙眼回復舒適自在。

 

1. 多眨眼

有研究指出,當我哋使用電腦時,眨眼次數會減少,間接使眼睛疲累及乾澀。眨眼次數少,會令眼瞼無法將眼水平均分泌至眼睛表面,角膜得不到滋潤,變得乾燥。如果忽視問題,眼乾問題加劇,有可能導致眼睛發炎,甚至影響視力。因此,睇電腦一段時間後,盡量要求自己眨下眼,或者閉目休息一下,都有助減緩眼部不適。

 

2. 20/20法則

成日都話用電腦一陣後就要畀對眼休息,咁即係用幾耐先要唞呢?有專家建議「20/20法則」,即係專注用眼約20分鐘後,讓雙眼休息約20分鐘,望下遠方嘅物件,放鬆一下。20分鐘不過係一個建議,如果覺得太頻繁,可以自我調節,例如睇電腦1小時後便離開螢幕,總之讓雙眼有休息機會就得。

 

3. 按摩眼周

當覺得眼睛疲倦,在眼睛周圍以打圈方法輕輕按摩,都有助於放鬆眼睛,並促進眼睛周邊的淋巴循環。按摩時記住要輕力一點,亦唔好過度拉扯眼周嘅皮膚,以免弄傷眼睛。另外,多教大家一個簡單熱敷方法,就係將雙手手掌互搓幾秒至發熱,然後將手掌邊緣輕輕分別置於雙眼嘅下眼窩,掌心蓋住雙眼,眼睛置於黑暗中可隔絕外界嘅刺激,得到放鬆,微溫熱嘅手掌可讓雙眼感到舒服得多。

 

 

你或會有興趣的相關文章:

工作壓力大精神繃緊?伸伸脷舒壓放鬆

能量飲品提神傷健康│工作累了飲杯水仲好

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
【 Sun Wakasa Gold Plus®真.美肌】助天然Collagen激増,保持年輕肌膚!【 Sun Wakasa Gold Plus®真.美肌】助天然Collagen激増,保持年輕肌膚! 研究指魚生內寄生線蟲激增│誤食可致過敏腹痛屙嘔研究指魚生內寄生線蟲激增│誤食可致過敏腹痛屙嘔 考試成績好與飲食有關?│考試前5個飲食建議考試成績好與飲食有關?│考試前5個飲食建議 阿媽話:飲隔夜茶傷健康|點解飲瓶裝茶無呢個問題?阿媽話:飲隔夜茶傷健康|點解飲瓶裝茶無呢個問題? 中醫春季養生養陽護肝│日常衣食行3個重點中醫春季養生養陽護肝│日常衣食行3個重點 黑芝麻細細粒益處多│美顏潤髮補血補肝黑芝麻細細粒益處多│美顏潤髮補血補肝 坐立前彎拉筋超越腳指不是夢 _ 初級瑜伽及伸展必備坐立前彎拉筋超越腳指不是夢 _ 初級瑜伽及伸展必備 雙眼失神人變老│3個令雙眼現老態原因雙眼失神人變老│3個令雙眼現老態原因